O sábado —15 de febreiro— a División de Honra Prata volve a coller un duelo galego. Un dos equipos xa repite cita o Lavadores. Pero, esta fin de semana, o seu rival será o A.D. Carballal. Antes do acontecemento o equipo de As Nosas, púxose en contacto con Inés López, actual xogadora do Carballal e ex do Lavadores.
Defensora central é a líder da zaga do equipo e ata na primeira liña. O seu adestrador, Javier Castro, fala dela como a “xogadora galega con mellor palmarés en base”. Foi todos os anos a selección galega e coa que acadou dúas veces o posto de terceiras de España. O ano pasado quedou campioa de España no Campionato Universitario.
– As Nosas: O teu adestrador fala de ti como a xogadora galega con mellor palmarés base. Estás contenta coa túa traxectoria deportiva ata o de agora?
Inés López: A verdade e que si, que estou moi contenta con todo o que puiden vivir grazas o balonmán. Aínda así hai moitas cousas que todavía me gustaría conseguir como xogadora.
– As Nosas: Duelo galego ante o Lavadores. Supoño que para ti será un partido moi emotivo. Que recordos tes da túa etapa en este equipo?
Inés López: Xa van varios enfrontamentos contra o Lavadores , e tal vez os primeiros si que foron algo extranos por xogar contra compañeiras coas que compartira vestiario moitos anos.
Pero a día de hoxe que case non queda ninguén daquela época para mín é un partido máis que xogar. Nese equipo comezou a miña vida balonmanística, e lévome recordos de torneos, sectores, campionatos…
Inés López (Carballal): Tal vez os primeiros encontros co Lavadores sí que foi algo extrano para xogar contra compañeiras coas que compartira vestiario. Pero hoxe en día xa que case non queda ninguén daquela época e para mín é un partido máis que xogar.
– As Nosas: O Lavadores é noveno da División de Honra Prata. Como estás vendo esta tempada delas?
Inés López: Non sei moi ben como foron os seus partidos, pero penso que a División de Honra Prata deste ano foi moi reñida. Para min non hai grandes diferenzas no nivel dos equipos.
– As Nosas: Veñen de xogar outro duelo galego ante o SAR Rodavigo, o cal perderon na casa. Que é o que máis temedes delas?
Inés López: Pois despois de perder contra o SAR virán con máis ganas de levarse os dous puntos, polo que é importante que nos metamos no partido dende o inicio, xa que van loitar dende o minuto 0 ata o remate do partido.
– As Nosas: Cal das súas xogadoras os pode facer máis dano?
Inés López: Penso que o que nos pode costar un pouco é o xogo das súas pivotes, pola súa mobilidade e altura.
Inés López (A.D. Carballal): “Todo o plantel aporta algo diferente e isto permítenos repartir minutos”
– As Nosas: Xogades na casa. O factor cancha fará eco para que o partido quede en Carballal?
Inés López: Nos partidos en “casa” sentímonos máis cómodas, tanto polo apoio da afección como por non ter o cansancio das viaxes. Todo isto transmítese a forma de xogo e pode ser polo tanto un factor que nos axude a gañar o partido.
– As Nosas: Vós tampouco os quedades atrás. Agora mesmo sodes sextas na clasificación e ademais vides de gañarlle ao líder da competición. Cal é a vosa peza clave?
Inés López: O máis importante é que podemos confiar en todos os que pertencemos ao equipo , temos moita variedade de xogo xa que cada un aporta algo diferente e isto nos permite repartir minutos de descanso e de xogo.
– As Nosas: Quedan seis partidos para rematar a tempada. Que meta está na mente do vestiario?
Inés López: A nosa meta e rematar o máis arriba na clasificación posible e queremos seguir crecendo e madurando tanto a nivel individual como a nivel de equipo.
