O conxunto galego segue asegurando o futuro do seu plantel de cara a vindeira tempada. Unha das novas renovacións do Conservas Orbe é Inés Hernández. A primeira liña vestirá a elástica do equipo porriñés unha tempada máis.
A almeriense chegou ao club na tempada 2018/2019 e contou ao club o porqué da súa renovación: “Decidín renovar porque síntome moi cómoda aquí e o club ten un bo proxecto para a próxima tempada. Ademais, gustaríame quitarme a espiña que me quedou deste ano de non acabar a liga nunha mellor posición, porque realmente creo que non se reflectiu todo o traballo que houbo detrás e confío en que este ano se plasme”.
Inés Hernández, xogadora do Porriño: “Decidín renovar porque síntome moi cómoda aquí e o club ten un bo proxecto para a próxima tempada”.
Inés tamén fixo fincapé no ben que se atopa no club porriñés foi un factor determinante na toma da súa decisión “Estou moi cómoda aquí, de feito, foi un factor importante para min. Gústame a filosofía do club, é un club moi familiar, e desde a directiva ata o corpo técnico creo que se está traballando duro para facilitar o benestar das xogadoras”.
Inés Hernández, xogadora do Porriño: “Estou moi cómoda aquí, de feito, foi un factor importante para min. Gústame a filosofía do club, é un club moi familiar”.
Para a próxima tempada gustaríalle quedar na mellor posición posible e, sobre todo, gozar moito: “Quero que o equipo goce de todos os partidos, que loitemos e non decaian os ánimos a pesar de calquera resultado, xa que só así virán os bos”.
Inés Hernández, xogadora do Porriño: “Quero que o equipo goce de todos os partidos, que loitemos e non decaian os ánimos a pesar de calquera resultado, xa que só así virán os bos”.
Dada esta nova renovación, o adestrador Ismael Martínez, falou un pouco dela: “Estamos especialmente contentos de que siga connosco. Inés é unha xogadora moi importante, tanto polo equilibro que nos achega como pola experiencia que ten”. Ademais, sinala o gran papel que desempeña dentro do equipo “é unha xogadora fundamental, xa que é unha gran defensora e proporciónanos unha gran variabilidade na primeira liña”.
Ismael Martínez, adestrador do Porriño: “Inés é unha xogadora moi importante, tanto polo equilibro que nos achega como pola experiencia que ten”.
O presidente do clug galego, Abel Estévez tamén valorou moi positivamente esta renovación “Estou moi agradecido da súa renovación. É unha xogadora que nos achega un punto de experiencia e que a nivel defensivo é unha das mellores da liga. Espero que teña un bo ano e que nos axude a alcanzar os nosos obxectivos”.
Abel Estévez, presidente do Porriño: “É unha xogadora que nos achega un punto de experiencia e que a nivel defensivo é unha das mellores da liga”.
