O Conservas Orbe Zendal BM. Porriño arrincou a competición de Liga Guerreras Iberdrola como local diante o recentemente ascendido Lanzarote Cicar.
O encontro comezou cun ritmo de xogo moi alto e con gran eficacia para gol por ambos os equipos, 8-6 minuto 15. A partir do minuto 15 a defensa do equipo local foi adquirindo eficacia e a achega de Isabela en portería bloqueo ao equipo de Lanzarote logrando ir aumentando as diferenzas para chegar ao descanso cun cómodo 17-9.
No segundo tempo o equipo louriñés mantivo a eficacia en defensa e portería, onde tanto Isabela Ferrarin como Ana Belén Palomino renderon a gran nivel, as diferenzas seguiron aumentando, 26-10 minuto 45.
A fase final do partido serviu para que participasen todas as xogadoras locais. O técnico do Conservas Orbe Zendal BM. Porriño, Ismael Martínez, probou distintas variantes tanto en primeira liña como no pivote.
O resultado final 31-14 reflectiu o gran traballo defensivo do equipo local e serve para conseguir os dous primeiros puntos como local do conxunto do Conservas Orbe Zendal BM. Porriño.
A máxima anotadora local e do partido foi a xogadora do BM. Porriño Paulina Buforn que asinou media ducia de goles.
FICHA TÉCNICA:
31) CONSERVAS ORBE ZENDAL BM. PORRIÑO: Adriana Mallo (2), Ekaterina Zhukova (1), Caro Bono (5), Alicia Campo (1), Iria Benaches, Julia Pestana (1), Aitana Santomé (4), Victoria Zsembery (3), Aroa Fernández (1), Adriana Rial (3), Paulina Buforn (6), Carmen Prelchi (1), Uzagi Manterola (1), Lucía Laguna (2), Isabela Ferrarin e Ana Palomino
14) CICAR LANZAROTE CIUDAD DE ARRECIFE: Alba Tor, Ana Radovic (2), Melania Cabrera (1), Leticia Cobo, Gema Trujillo (5), Celia López (2), Thais Fermo (1), Rocio Squizziato (2), Andrea Boner (1), Carla Rivas, Irene Sánchez e Ana Marín.
MARCADOR CADA 5 MINUTOS: 3-3, 6-4, 8-6, 12-7, 14-7, 17-9 (descanso) 21-10, 23-10, 26-10, 27-11, 28-12 e 31-14
EQUIPO ARBITRAL: A parella arbitral estivo formada por Ángel Mateos Alonso e Abel Juncal López da federación territorial de Galicia. Excluíron por parte do Cicar Lanzarote a Andrea Boner (2 exclusións), Melania Cabrera, Ana Radovic e Celia López.
INCIDENCIAS: Partido correspondente á 2ª xornada de la Liga Guerreras Iberdrola.
