Esta previsto que hoxe, martes 3 de xaneiro a partir das 13:30 horas, catro futbolistas coruñeses do RC Deportivo leven regalos e ilusión ao Hospital Materno Infantil Teresa Herrera da cidade.
As e os futbolistas encargados de compartir regalos e tempo cos doentes máis cativos son Álex Bergantiños, Trilli, Aroa Guerra e Carlota Sánchez, todos eles coruñeses.
Segundo explica o RC Deportivo, “despois de varios anos suspendida por mor da pandemia, a Fundación RC Deportivo retoma esta actividade que sempre está marcada en vermello no calendario de #ANOSAFORZA”.