O Celta Zorka Recalvi regresaba á competición na LF2 tras dous partidos suspendidos por terse detectado casos positivos de COVID-19 na plantilla.
Logo dun tempo de confinamento, algo que case todos os conxuntos de disciplinas de equipo van ter que pasar nesta tempada tarde ou cedo, o estado de forma do grupo é unha incógnita. No caso do Celta Zorka Recalvi a dúbida despexouse axina no seu cruce co Vega Lagunera Adareva Tenerife ao que rematou por imporse cun tanteo de 52-73. Nun partido moi coral, Celia García foi das mellores no conxunto galego que tivo no xogo de equipo o seu mellor aliado para levalas á vitoria.
As viguesas visitaban La Laguna logo dun illamento e o facía ante un rival que non é doado, o Vega Lagunera Adareva Tenerife. As galegas dominaron o xogo desde o arranque do encontro aínda que non se foron no marcador ate o terceiro cuarto. Nese momento puxeron terra de por medio coas isleñas e puideron xogar máis tranquilas o último período.
Na viaxe non estivo Cristina Cantero (adestradora), que foi substituída por Nacho Silva, nin Maja Stamenkovic (ala – pívot). Como contrapunto, si estivo no partido na Laguna a fichaxe Adrienne Motley (que apuntou maneiras) e regresou Ainhoa Lacorzana, logo de dous meses lonxe da competición pola súa operación de menisco
Ao final do primeiro cuarto as galegas ía so seis puntos arriba, pero mandaban na pista tinerfeña (14-20). As carencias no rebote ofensivo pasaron factura ao Celta Zorka Recalvi que rematou o segundo parcial un punto por detrás das canarias 14-13. Chegouse así ao descanso cun 28-33 a favor das viguesas.
Cun parcial de 0-8 as galegas puxeron puntos de separación entre o seu casilleiro e o do Vega Lagunera. Chegando a colocarse 11 puntos arriba das locais. O terceiro cuarto resolveuse cun parcial 12-22 colocando o cruce nun 40-56 para as visitantes celestes.
🔥🏀🇮🇨 Resultado del tercer cuarto: @CBADAREVA 4️⃣0️⃣ – 5️⃣6️⃣ @Celtabaloncesto. #SomosAdareva #LigaFemenina2 pic.twitter.com/HjtEL188qr
— CB Adareva Tenerife (@CBADAREVA) February 6, 2021
No cuarto e definitivo cuarto, o Celta Zorka Recalvi asinou un 12-17 que sentenciu o choque para as galegas cun 52-73 lucindo no electrónico do complexo deportivo Islas Canarias da Laguna.
Este trunfo serve ás galegas non so para sumar se non tamén para dotar ao bloque de confianza de cara á dobre xornada que lles agarda na vindeira fin de semana. O sábado 13 reciben en Navia ao Azkoitia Azpeitia ISB nun partido correspondente á xornada 20 previsto para as 18:30 horas. E case se respiro, o domingo 14 de febreiro, van recuperar o primeiro dos partidos aprazados recibindo ao Extremadura Miralvalle Plasencia. Este segundo choque está marcado para as 18:00 horas.
O Azkoitia Azpeitia ISB ocupa a terceira praza (33 puntos) e o Extremadura Miralvalle Plasencia, a cuarta (31 puntos). Mentres, o Celta Zorka Recalvi é quinto (30 puntos). Trátase, polo tanto de dous dos equipos cos que o conxunto celeste está en loita por acadar unha das prazas que da paso á fase final que dirimirá o ascenso á Liga Endesa. Dous compromisos seguidos e cruciais para as súas aspiracións. As rotacións terán máis importancia que nunca para aguantar o ritmo das rivais.
Pola súa banda, as canarias do Vega Lagunera Adareva teñen o seu seguinte compromiso en terras galegas. Será o sábado 13 de febreiro, ás 17:00 ante o Ulla Oil Rosalía en Santiago de Compostela.
FICHA TÉCNICA
52) VEGA LAGUNERA ADAREVA TENERIFE: Alima Dembele (17), Sendy Basáez (5), Noelia Ibáñez (10), María Luque (9) e Ainhoa Negrin (-) – quinteto inicial -. Tamén xogaron: Miriam Marina (-), Alessia Contino (-), Claudia Reynes (2), Ylenia María Exposito (7) e Laura Ilunga (2).
73) CELTA ZORKA RECALVI: Celia García (15), Margarita Davydova (11), Mariona Martín (2), Ángela Coello (6) e Rose Marie Julien (13) – quinteto inicial -. Tamén xogaron: Ainhoa Lacorzana (1), Noa Comesaña (6), Lucía Fontela (6), Florencia Niski (1) e Adrienne Motley (12).
PARCIAIS: 14-20, 14-13, 12-22 e 12-17.
ÁRBITROS: Nicolás Murillo Khon e Sergio Castro Pulido. Sen eliminadas.
INCIDENCIAS: Partido correspondiente á 19ª xornada do Grupo A da Liga Femenina 2 disputado no pavillón polideportivo do complexo deportivo Islas Canarias de San Cristobal de La Laguna (Tenerife). Xogouse a porta pechada polas restriccións a causa da pandemia de COVID-19. Antes do partido gardouse un minuto de silencio en memoria do adestrador Paco Martínez.
