Adiaratou Iglesias está a triunfar no Campionato de Europa de atletismo paralímpico. A galega proclamouse campioa continental en dúas modalidades, a dos 100 metros e a dos 400 metros, acadando ademais o récord europeo nesta última.
A atleta do Lucus Caixa Rural Galega superou a todas as súas rivais na segunda xornada da competición que está a levarse a cabo en Polonia, colgándose o ouro nos 100 metros T13. Coa súa marca de 14’90” refrendou a mínima que lle da o billete directo para os Xogos Paralímpicos.
¡CAMPEONA DE EUROPA!
La atleta gallega Adiaratou Iglesias conquista la medalla de ORO 🥇 en la prueba de los 100 metros T13 del Europeo de Atletismo Paralímpico #Bydgoszcz2021.
¡Muchas felicidades @AdiIglesias! 👏👏👏 pic.twitter.com/c2AvU1js5T— Comité Paralímpico Español (@Paralimpicos) June 2, 2021
A deportista aínda tiña máis que demostrar, e na xornada deste venres foi quen de acadar o récord europeo nos 400 metros T13, facendo unha marca de 55.70. Adi Iglesias volveu a subir ao máis alto do podio, impoñéndose con claridade ante o resto de participantes no tramo final.
Con estes dous ouros no seu primeiro campionato europeo, a galega está destacando en Bydgoszcz como unha das mellores deportistas do equipo español.
