Coa fin da xornada de domingo do Open Galego de surf, celebrado en Pantín, no concello de Valdoviño, dúas wildcards xa teñen dona. Cristina Iglesias e Lola Bermúdez clasificáronse nos primeiros postos, obtendo o pase para participar no ABANCA Pantín Classic Galicia Pro 2021.
Cristina López en primeiro lugar, e Lola Bermúdez, en segunda posición, foron as mellores surfistas da final feminina do Open Galego, obtendo así os wildcards correspondentes. Desta forma, poderán competir no Qualifying Series da World Surf League na súa proba galega. Os outros dous, correspondentes á categoría masculina, decidiranse este mesmo luns.
Pantín acolle tamén o ABANCA Surf Adaptado
Así mesmo, este luns estase a celebrar a segunda edición do ABANCA Surf Adaptado, que reune aos mellores surfistas internacionais da categoría. Dúas das competidoras, Sarah Almagro e Marta Paço formaron parte dunha charla enmarcada no proxecto Cabreiroá Eco-Logic.
Ambas surfistas compartiron a súa experiencia no surf adaptado, a súa relación cos adestradores e caddies e como a través do esforzo, perserverancia e vontade conseguiron sobrepoñerse aos obstáculos do camiño.