O Concello de Santiago acollerá do 9 ao 11 de decembro o I Torneo Internacional de Balonmán Deputación da Coruña, no que participarán 20 equipos e máis de 450 deportistas das categorías infantil, cadete e xuvenil (masculina e feminina). No aspecto deportivo o principal obxectivo desta competición é servir como preparación das seleccións galegas de cara ao Campionato de España de Seleccións Territoriais, que se celebrará do 3 ao 8 de xaneiro de 2023 en Benidorm.
Na seguinte ligazón tedes toda a información sobre o I Torneo Internacional de Balonmán Deputación da Coruña, que se vai celebrar esta fin de semana en Santiago de Compostela.#ConSeloGalego@Depucoruna @ConcelloSCQ https://t.co/8YwU5Oh9tC pic.twitter.com/ARbGR1rmxW
— Federación Galega Balonmán (@fgabalonman) December 7, 2022
Esta semana tivo lugar o acto de presentación do evento no Concello de Santiago, coa participación da concelleira de Deportes de Santiago, Esther Pedrosa; a deputada provincial de Deportes da Deputación da Coruña, Cristina Capelán; e o presidente da Federación Galega de Balonmán, Bruno López.
A concelleira de Deportes do Concello de Santiago de Compostela, Esther Pedrosa, agradeceu a aposta da Federación Galega de Balonmán e da Depuración Provincial da Coruña, para que este evento poida celebrarse na capital da Galicia, xa que “pon en valor Santiago como cidade deportiva, ademais de poder xerar visitantes, que seguro que van a desfrutar da nosa cidade”.
Pola súa banda, a deputada Cristina Capelán, destacou que “para a Deputación da Coruña é un pracer colaborar con este tipo de eventos, no que se fomenta o deporte base e o deporte inclusivo, con nenos e nenas, que son obxectivos fundamentais para a Deputación”.
🏆 I TORNEO INTERNACIONAL DE BALONMÁN DEPUTACIÓN DA CORUÑA
Falamos coa Deputada de Deportes da @Depucoruna Cristina Capelán, que nos deixa estas verbas sobre o evento que reunirá, na súa provincia, ao balonmán galego, portugués e asturiano en categorías base. #ConSeloGalego pic.twitter.com/TAGrvnafRx
— Federación Galega Balonmán (@fgabalonman) December 7, 2022
Para rematar, o presidente da Federación Galega de Balonmano, Bruno López, agradeceu o apoio de ambas institucións e animou á cidadanía a achegarse aos pavillóns para gozar do balonmán de base.
🏆 I TORNEO INTERNACIONAL DE BALONMÁN DEPUTACIÓN DA CORUÑA
Bruno López, Presidente da FGBm, cóntanos o especial desta fin de semana para o balonmán galego, e anímavos a todas e a todos a acercarvos ao Concello de Santiago de Compostela para desfrutar da cita.#ConSeloGalego pic.twitter.com/DzTPMJ4FZq
— Federación Galega Balonmán (@fgabalonman) December 7, 2022
Os combinados do Principado de Asturias e da rexión de Oporto, xunto con catro equipos galegos de categoría sénior (BM Reconquista, BM Brigantium, Calmear Rasoeiro e BM Culleredo), serán os encargados de poñer a proba o nivel das diferentes seleccións galegas neste último tramo da súa preparación antes do CESA 2023. Os partidos celebraranse nos pavillóns do Restollal e Fontiñas e o domingo a partir das 14:30 horas terá lugar a entrega de trofeos no pavillón do Restollal.
O I Torneo Internacional de Balonmán Deputación da Coruña celebrarase grazas á financiación da Deputación Provincial da Coruña, coa colaboración do Concello de Santiago de Compostela e o Centro Superior de Hostalería de Galicia, no que se aloxarán os combinados galegos entre o 7 e o 11 de decembro.
A continuación tedes os horarios dos partidos do I Torneo Internacional de Balonmán Deputación da Coruña.
SISTEMA DE COMPETICIÓN
- XUVENIL: Galicia e Asturias xogarán partidos amigables contra un equipo sénior de Galicia na primeira xornada, disputando a final Galicia-Asturias o domingo na última xornada.
- INFANTIL E CADETE: Todos contra todos a unha volta.
