Coa chegada de 2020 nace unha proposta deportiva ligada ao atletismo que daba a coñecer a Federación Galega de Atletismo. Trátase da “I Liga de running. E para correr…Lugo”. O nome do circuíto fai unha chiscadela á popular campaña “E para comer, Lugo”. A primeira das probas terá lugar este domingo 12 de xaneiro. As carreiras terán lugar en lugares como Cospeito, Xermade, Castro Rei ou A Pastoriza,
En total serán oito carreiras as que conformarán esta proposta para runners. Segundo informaba a FGA estas probas “completan os distintos circuitos que se están a celebrar polas Deputacións, provincias, comarcas e concellos da nosa xeografía, e na que para poder puntuar haberá que ter tomado parte en a lo menos seis probas”.
Segundo declaraba José Manuel Peña, delegado da FGA en Lugo e impulsor deste proxecto ” Intentamos con esta liga fomentar as nosas probas e sobre todo chegar ó rural promocionando o noso deporte e incidindo no aspecto dos hábitos saudables que a práctica deportiva entraña completando todo elo con visitas e charlas ós centros de ensino” sinalando ademáis ” Quero salientar a excelente acollida e aceptación que tería por parte dos Concellos involucrados así como dos colaboradores que fan este novo proxecto posible como son Torre de Nuñez, Deporte A Chaira, #Caixabank, Marcos Veiga Arias “.
Premios en metálico, trofeos e vales
Ademais de sumarse á practica deportiva e aos hábitos de vida saudables, este circuíto ten un aliciente extra en forma de premios en metálico para as/os tres primeras/os clasificadas/os absolutas/os así como un trofeo para as/os tres primeiras de cada categoría. Da mesma maneira haberá importantes vales canxeables por material deportivo para as categorías inferiores agasallo de Deporte A Chaira e unha Gala Final de premiación ó remate da Liga.
A primeira proba desta Liga será a III Carreira Popular Concello Castro de Rei do 12 de xaneiro. A relación completa das probas da “I Liga de running. E para correr…Lugo” é a seguinte:
- 12 de xaneiro: III Carreira Popular Concello de Castro Rei
- 01 de marzo: III Carreira popular Campus Terra Leyma (Lugo)
- Maio 2020: II Carreira Popular Concello de Cospeito (a designar data)
- 20 de xuño: III Via verde do Eo (A Pontenova)
- 5 de xullo: VI Carreira Popular de Sande
- 10 de outubro: XI Carreira Popular de Xermade
- 17 de outubro: XII Carreira Popular Concello do Corgo
- 01 de novembro: I Carreira Popular A Pastoriza
