A Cidade de Cultura, en Santiago de Compostela, acollía onte, sábado 27 de marzo, a Asemblea Xeral da Federación Galega de Atletismo, coincindo ca conmemoración do seu centenario. O presidente da entidade Isidoro Hornillos, abriría a sesión dando a benvida a todos e todas as asembleistas para de seguido por en valor esta data tan simbólica e significativa para o atletismo galego que logo dun século de historia ¨o converten nun dos deportes con máis peso e importancia da nosa comunidade¨.
Despois de gardarse un minuto de silenzo polas persoas do atletismo galego falecidas durante o último ano, comezaba esta asemblea centenaria na que cada un dos representantes de maneira regulada en intervencións e tempo, puido argumentar tanto a favor como en contra sobre as propostas plantexadas.
Aprobado o calendario de competición do atletismo galego
Con todo elo, aprobaríase o calendario de competición e normas técnicas da tempada 2021, a liquidación definitiva do 2019 e provisional do 2020, o orzamento do 2021 e a normativa de licenzas para o 2021, eixos fundamentais desta asemblea.
Co debate dos rogos e cuestión plantexadas polas e polos asembleistas, pechábase esta sesión de carácter ordinario desenvolta na Cidade da Cultura de Santiago.
