Cara e cruz no hoquei coruñés, vitoria do HC Deportivo Liceo e derrota do HC Borbolla. No caso das verdibrancas, o equipo que adestra Carlos Loureiro venceu 1-7 ao CPP Raspeig, un resultado que as coloca líderes na Ok Liga Prata e afinanza o seu camiño cara ao ansiado retorno á Ok Liga. Para as tomatitas, toco cruz. O equipo que prepara Santi Martínez caía derrotado pola mínima en Monte Alto (4-5) diante do CP Las Rozas, outro dos clubs aspirantes ao ascenso.
HC Deportivo Liceo (16), CP Alcorcón (16), CP Las Rozas (13) e HC Borbolla (9) e arestora a orde da clasificación na categoría de prata do hoquei sobre patines feminino estatal. Suben á Ok Liga os dous primeiros conxuntos.
No partido das verdibrancas anotaron polo HC Deportivo Liceo: Beatriz del Carmen, Isabel Barros, Naira Vaamonde (2), Alejandra Martín, e Marta Milán polo CPP Raspeig.
✅ CRÓNICA | Superioridade e liderado (1-7).
➡️ O #DeportivoLiceo logra subir ó primeiro posto da OK Prata Feminina tras vencer ó CPP Raspeig.
📸 @hockeyglobal pic.twitter.com/4YHxkB65Na
— Hockey Club Liceo (@HockeyclubLICEO) May 2, 2021
No seu próximo partido as liceístas deberán visitar ao CP Las Rozas que ven de vencer ás outras representates coruñesas na Ok Liga Prata, será o primeiro partido da segunda volta.
FICHA TÉCNICA
CPP RASPEIG: Paula García, Leyre Roche, Paula Milán, Marta Milán e Claudia Landete – quinteto inicial -. Tamén xogaron: Rosana Teruel, Estela Chacón, Camila Fernández e Paula Montejano.
DEPORTIVO LICEO: Katy Guscin, Andrea Ojeda, Ale Martín, Isa Barros e Beatriz Gaete – quinteto inicial -. Tamén xogaron: Cris Diz, Luchy Paz, Inés Temprano e Naiara Vaamonde.
ÁRBITRO: Sanz Pedrosa. Sen cartóns.
GOLES: 0-1 (Beatriz Gaete, min. 5). 0-2 (Isa Barros, min. 5). 0-3 (Naiara Vaamonde, min. 17). 0-4 (Naiara Vaamonde, min. 22). 0-5 (Isa Barros, min. 23). 0-6 (Andrea Ojeda, min. 29). 1-6 (Marta Milán, min. 37). 1-7 (Ale Martín, min. 44).
INCIDENCIAS: Partido correspondente á xornada 7 da OK Prata Feminina 20/21. Pavelló Municipal Sant Vicent de Raspeig.
Revive a segunda parte do HC Deportivo Liceo ante o CPP Raspeig
Derrota do HC Borbolla que se descolga da cabeza
O HC Borbolla chegou a ir vencendo 3-0 pero rematou por caer derrotado 4-5. Os goles foron anotados por parte das de Santi Martínez por Lara Yáñez (2), Lucía Yáñez e Marta Vilas. Pola parte do CP Las Rozas anotaron Rocío Antón (2) e Ana Horche (3).
4-5 Remontada de nuestro #okplata #femenino frente a @HockeyCBorbolla #cntvaq @LenovoES @bodegasmuga pic.twitter.com/yMW5rYwbj1
— Club Patín Las Rozas (@cplasrozas) May 3, 2021
