Na tempada 2021/2022, o Durán Maquinaria Ensino non poderá contar con Merritt Hempe. A pivote estadounidense deixa Lugo con grandes cifras, sendo a mellor anotadora do equipo na competición regular malia as molestias que a mantiveron fóra da pista.
Na liga regular da LF Endesa, a norteamericana competiu en 26 das 30 xornadas, nas cales acumulou un total de 339 créditos de valoración, e unha media de acerto do 62,6% desde o tiro libre. En total, a xogadora participou en 114 rebotes e realizou 26 asistencias ás súas compañeiras.
Nesta mesma competición, Hempe foi a máxima anotadora do Ensino, cunha media de 14.96 puntos por partido, sendo con esta cifra a sexta mellor da categoría. Tamén foi a terceira mellor valorada do equipo, por detrás de Stanacev e Vega Gimeno. Ningunha delas continuará na próxima campaña.
O Ensino despídese de Hempe
A pivote chegou na campaña 2020/2021 ao club galego procedente do Stadium Casablanca e cunha longa traxectoria na NCAA e en Europa, posto que tamén xogou nas ligas rusa e alemá. Unha tempada despois da súa chegada, o Ensino despídese dela.
“Grazas pola profesionalidade coa que defendiches as nosas cores ao longo da pasada tempada. Dexesámosche os maiores éxitos profesionais e persoais no futuro”, declaran desde o equipo lucense.
Gracias, Grazas, Thanks you @HempeDoeslt pic.twitter.com/Rimi3NueLt
— Ensino Lugo (@EnsinoLugoCB) April 30, 2021
