Sexta vez que a coruñesa Helia González acada o título da Copa da Raíña de voleibol. Xunto o May Deco Logroño —que suma o terceiro consecutivo nesta gran cita— impuxéronse na final ao Avarca Menorca por un 3 a 0 (25-12/ 25-13/ 25-17). Nese equipo había outra galega, a monfortina Noelia Sánchez que anotou 5 puntos. O torneo acolleuno o pavillón municipal de Ciudadedela. A galega foi a autora de nove puntos e tivo un gran acerto na recepción, frustando unha e outra vez os ataques rivais. Helia González fixo un total de 9 puntos para o seu equipo.
Sentenciaron cun 3 a 0 para alzarse co título
Dous puntos das locais nada mais comezar o encontro. May Deco Voleibol Logroño tomou o saque e obrigou a Bep Llorens a pedir o seu primeiro tempo (2-5) pero a vantaxe non parou ata ser de cinco puntos (2-7). A defensa e o bloqueo rioxano complicaba o xogo ás de Avarca de Menorca (3-9).
A sangría de puntos fai que o adestrador menorquín introduza un dobre cambio, Sanchís e Llorens (colocadora e atacante), para ter tres xogadoras en ataque (7-14). Volveron Barrasa e Banguero á rotación, pero a distancia era cada vez maior (10-19). Non houbo tempo para moito máis e cun ataque á rede de Sánchez terminaba este primeiro set de claro dominio das de Esther López (12-25).
Sen cambios nas rotacións empezou o segundo parcial. As primeiras vantaxes foron de May Deco (2-6) e, por tanto, o primeiro tempo correspondía pedilo a Avarca para non deixar que pasase o mesmo que no anterior set. Entrou, nas menorquinas, Cruz por García para tentar parar os ataques visitantes. Pero non había quen parase á máquina rioxana (4-11/8-15).
Con 10-17, Bep Llorens esgotaba os seus tempos mortos tentando que as súas xogadoras atopasen por onde facer dano ás rioxanas e puntuar. Pero non había maneira de parar ás de Esther López e poñían o 2-0 no marcador (13-25).
Dise que o terceiro set, para un equipo que gaña 2-0, é o da relaxación. Tamén se comenta que o equipo que vai por baixo non ten moito que perder e arrisca ao máximo. Con estas premisas, comezou o parcial, moito máis igualado que os dous anteriores (7-7/9-9). Cun punto directo de saque de Westergaard, as de Bep Llorens poñíanse por diante (10-9).
Unha lixeira vantaxe de May Deco Voleibol Logroño fixo que o adestrador de Avarca de Menorca parase o parcial (12-14). Do tempo morto saíu mellor May Deco, que puxo catro de vantaxe no marcador (12-16). Con cinco puntos por detrás no marcador, Llorens pide o seu segundo tempo morto para tentar o imposible (14-19).
Pero as rioxanas non estaban para facer caso ás premisas e, cunha das mellores xogadas da Copa, poñían o marcador en 15-22. Un erro na recepción das menorquinas daba o parcial (17-25) e o título de campioas ao May Deco Voleibol Logroño.
Sexta Copa da Raíña para Helia González
A coruñesa ten un amplio palmarés. Seis Copas da Raiña, títulos de Liga e Supercopas de España. Este mesmo ano, pode aumentar as ligas posto que o seu equipo é o lider da Liga Iberdrola con tan só unha derrota. Helia González foi internacional coa selección española. Tivo a honra de ser a capitá e acaba de deixar a selección o pasado verán despois de poñer a guinda coa súa participación no Campionato de Europa.
FICHA TÉCNICA
AVARCA MENORCA: Sánchez (5), García (-), Banguero (8), Westergaard (10), Benedito (6), Barrasa (1) y líbero Gomila. Tamén xogaron: Jofre (-), Llorens (-), Sanchís (-). Non xogou: Huguet .
MAY DECO VOLEIBOL LOGROÑO: Berbel (8), Bergren (3), Bento (9), Gritzbach (8), Da Silva (20), González (9) y líbero Llabrés. Non xogaron: Sánchez, Costa e Pejkovic.
PARCIAIS: 12-25/ 13-25/ 17- 25 (0-3, resultado global)
ÁRBITROS: S. Rodríguez e M. Rodríguez.
