- As e os nosos taekwondistas lograron en total tres ouros, dous pratas e tres bronces. Os campións de España Sergio Troitiño, Adrián Salanova e Helena García logran a clasificación directa para o Europeo Sub-21.
Galicia repetiu posición na clasificación por equipos do Campionato de España de taekwondo Sub-21. Logrou a primeira posición na clasificación por equipos masculinos e a segunda, na xeral (na que se suman os resultados dos equipos masculino e feminino) no Campionato de España Sub-21, que se celebrou esta fin de semana en Cartagena, igual que na categoría cadete do día anterior.
As e os nosos taekwondistas lograron en total tres ouros, dous pratas e tres bronces. Os campións de España Sergio Troitiño, Adrián Salanova e Helena García logran a clasificación directa para o Europeo Sub-21.
Helena García, campioa
Na categoría feminina destaca o ouro de Helena García (-73, Dobok), que volveu asombrar coa súa temperanza e superioridade en todos os combates. En primeira rolda Helena García superou a Sofía Viana (Valencia) e posteriormente a Ana Martínez (Castela e León) con moita comodidade, segundo informa a Federación Galega de Taekwondo.
Na final, Helena García enfrontouse a Irene Montero (Andalucía) e volveu vencer en dous asaltos para proclamarse campioa de España Sub-21.
En -62 quilogramos, Irene Montemuíño (Natural Sport) acadou a medalla de prata tras facer un fantástico torneo. En primeira rolda superou a Paula Serrat (Cataluña) nun axustado e fermoso combate.
Nos cuartos de final enfrontouse a Alison Forgan (Navarra) e nova vitoria da galega, que confirmou así a súa medalla. Na semifinal esperaba Nicole Forgán (Castela a Mancha) e novamente Montemuiño fixo un gran traballo para clasificarse para a final. Neste último combate enfrontouse a Viviana Marton e aquí Irene non tivo moitas opcións, xa que Marton dominou dende o inicio. Aínda así, prata excepcional para Irene.
E para finalizar, Alba Rey (-67 quilogramos, BoudSport) logrou a medalla de bronce tras gañar a Maialen Carvalho (Navarra) en dous asaltos. Pero na semifinal non puido con Lena Moreno (Castela a Mancha), que foi a deportista que posteriormente se proclamou campioa de España.
Ouro de Troitiño e Salanova
Sergio Troitiño (-87, Mat´s) segue con esa traxectoria firme e impecable. Logrou o título de campión de España Sub-21 despois de vencer en tres combates. No primeiro deu boa conta de Mohamed Halhoul Hossain (Ceuta) en dous asaltos e sen complicacións para clasificarse para a semifinal onde se enfrontou a Jesús Gómez (Andalucía).
Sergio tamén venceu en dous round, aínda que máis axustados, pero o galego sempre controlou o tempo e o combate para levarse a vitoria. Na final, o rival foi Lucas Llopis (Cataluña), que defendía o título do pasado ano e era o rival a bater dende o inicio. Novamente, Troitiño gana en dous asaltos, o primeiro cómodo (8/1) e o segundo moi axustado (8/8), tanto que se decidiu por rexistros a favor do galego, que logrou proclamarse campión de España Sub-21 nun gran combate ante o favorito e con moi boas sensacións.
Tamén foi espectacular a competición de Adrián Salanova (-68, Maniotas) que logrou subirse ao máis alto do podio sen perder nin un asalto. En primeira rolda venceu ao catalán Dejan Ison con moita claridade, despois veuse as caras con Eduard Company (Baleares) e nova vitoria contundente. En semifinais loitou ante Valentín Barranco (Andalucía) e na final superou claramente a Antoni Pujol (Baleares). Un campionato impecable e impresionante, dada a solvencia coa que foi avanzando ata a final.
Prata para Samuel Meilán (-58, Tao) que tamén fixo moi bo torneo, superando as roldas con amplitude e comodidade. En primeira rolda gañou a Izán Sanchís (Valencia) de forma rotunda e posteriormente eliminou a Aarón Zabaleta (Euskadi). Na semifinal venceu a Jorge Almeida (Baleares) e logrou meterse na final, onde esperaba Jesús Fraile (Castela a Mancha). Neste último combate, Fraile foi mellor e logrou o ouro.
Pola súa banda, Javier Otero (-54, Kae Sport) logrou o bronce tras superar dúas roldas. Venceu na primeira a Francisco Piña (Baleares) e na segunda a Javier Requejo (Euskadi), pero non puido en semifinais con Iván Escolar. Iago Mallo (-80, Tao) venceu nos cuartos de final a Rubén Pestano (Canarias), pero non puido na semifinal co madrileño David Plaza.
