A deportista e adestradora galega Helen Roca, cuxa traxectoria está vencellada ao rugby, disertará o vindeiro xoves 3 de marzo sobre a “Muller no deporte” dentro dos actos organizados por UGT A Coruña e Cee co gallo do 8M neste 2022. Xunto a ela tamén estará Trinidad Campos, secretaria de Igualdade de UGT Galicia.
Segundo explican desde UGT A Coruña e Cee “o mundo do deporte é uns deses campos onde existe unha gran desigualdade entre homes e mulleres. O deporte femenino é unha historia de loita. Durante siglos ás mulleres loitaron contra os perxuizos e as trabas polo simple feito de ser unha muller, impostas por unha sociedade que creen que elas no poden ou non deben facer deporte”.
Helen Roca, unha deportista cun importante palmarés
Con esa certeza, o vindeiro xoves 3 de marzo UGT A Coruña e Cee ten programada unha charla – coloquio co título “Muller no deporte”. Terá lugar no salón de actos do Edificio dos Sindicatos (Avenida de Alfonso Molina, nº 90 ) ás 19:00 horas. Helen Roca contará a súa experiencia persoal no mundo do Rugby.
Trátase dunha líder dentro do equipo do CRAT Residencia Rialta da A Coruña onde foi xogadora e agora exerce como adestradora e directora técnica da entidad. Roca ten sido campioa de Europa de rugby XV, campioa de España de rugby seven, xogou o Seis Naciones e tres Mundiais.
O propio día 8 de marzo, Día Internacional da muller, ás 11:00 horas na sede de UGT A Coruña e Cee (Rúa Fernández Latorre 27) o citado sindicato fará entrega da “Distinción Mujer Trabajadora” a unha compañeira en reconocimiento do seu traballo sindical.
