A historia do rugby español e o galego ten un nome propio: Helen Roca. A xogadora e agora adestradora do CRAT Residencia Rialta foi a primeira galega na Selección Española, e unha das figuras máis importantes entre as Leonas.
Así o recoñece agora a Federación Española de Rugby (Ferugby), que estas semanas está propoñendo, da man de José Antonio Barrio Yunque, ás mellores xogadoras da última década en cada posición para que a afección vote polas súas favoritas.
Roca, pioneira do rugby feminino
Helen Roca é fiel á súa paixón. A galega foi das primeiras en xogar a rugby feminino en Galicia, cando case non existían equipos e moito menos axudas. Foi das primeiras en impulsar este deporte feminino, nunha época na que se percibía só como masculino e na que as rapazas só xogaban na súa etapa universitaria.
Cando se achegaba a fin da súa carreira como xogadora, despois de 18 anos, a galega comezou a formarse para ser adestradora. Nada máis deixar o campo, pasou ao banco no equipo de toda a súa vida: o CRAT.
Estivo nas filas do club coruñés desde rexional ata lograr o campionato estatal dúas veces. A nivel internacional, no seu palmarés se inclúe cinco Seis Nacións, varios campionatos europeos, sendo campioa en dúas ocasións e tres mundiais.
Podes votar por Roca como mellor primeiro centro da última década nas contas de Twitter e Instagram da Ferugby.
👏🏻 Nuestra #DT Helena Roca @elenarocamoro con 45 🧢 @leonasrugby en la votación para el 1️⃣2️⃣ Primer centro del #XVLeonasDecada @ferugby propuestas por @yunque7
Tu 🗳👇🏻 #7MagnifiCRATS https://t.co/OJGmKq2wMq pic.twitter.com/3Io3cDhLw0
— C.R.A.T. A Coruña 😷 (@CRAT1976) January 25, 2021
A semana pasada, tres pupilas de Roca foron tamén nomeadas como candidatas. Paula Medín Alevín, Mona Castelo e Elsa Porto viron recoñecido o seu paso polas Leonas.
