O pavillón de Elviña 2 foi escenario do primeiro trunfo deste curso como local do HC Deportivo Liceo na Ok Liga Prata. Unha vitoria que ademais aupa ás coruñesas á segunda praza da clasificación. O rival era a Unión Deportiva e Cultural Rochapea de Iruña, conxunto ao que as liceístas que adestra Carlos Loureiro, venceron por un tanteo de 6-2.
Na escuadra verdibranca destacou Naiara con catro goles na súa conta particular. Lucía Paz e Cristina redondearon a media ducia ante as navarras da UDC Rochapea de Pamplona para o HC Deportivo Liceo. Ao descanso as galegas xa tiñan encarrilado o partido cun resultado de 4-1 campeando no luminoso do Pavillón de Elviña 2.
Esta é a primeira vitoria das coruñesas como locais xa que non pasaran do empate 0-0 no seu anterior partido. O rival era o actual líder, o CP Alcorcón que precisamente arrebataba esta xornada o liderado ás outras coruñesas, as tomatitas do HC Borbolla ás que gañaron 2-3 en Monte Alto.
Así que, unha de cal e outra de area para o hoquei a patíns galego nesta nova xornada da Ok Liga Prata.
FICHA TÉCNICA
HC DEPORTIVO LICEO: Catherine Guscin, Alejandra Martín Amigo, Naiara Vaamonde Couto, Lucía Paz (C) e Cristina Diz Gómez – quinteto inicial -. Tamén xogaron: Andrea Ojeda, Bea Gaete, Isabel Barros e Inés Temprano. Noemí Uzal (P).
UDC ROCHAPEA: Garazi Learanoz Delgado, Saioa Larrainzar, Ainara Casado (C), Irune Santestaban e Ainara Errea – quinteto inicial -. Tamén xogaron: Irati Ezkurra. Miriam Irunzu (P).
GOLES: 1-0 Naiara Vaamonde. 2-0 Lucía Paz Aldrei. 2-1 Irati Ezkurra. 3-1 Naiara Vaamonde. 4-1 Naiara Vaamonde. 5-1 Naiara Vaamonde. 5-2 Irati Ezkurra. 6-2 Cristina Diz.
ÁRBITROS: Ivonne Copovi Trallero. Sen cartóns azuis.
INCIDENCIAS: Partido correspondente á cuarta xornada da Ok Liga Prata da FEP, disputado no pavillón de Elviña 2 na Coruña.
Moi bo partido das nosas cracks do #Feminino e victoria diante de @iruna_hockey na #OKPlata Moitos minutos para as xogadoras máis novas
Seguimos!! 💪💚💙🏑
Gardouse un minuto de silencio polo pasamento do ex presidente de @FedPatina, Antonio Martra#forzadeportivoliceo 💪💚💙🏑 pic.twitter.com/8d3nlauLY8— hockeyliceobase (@hockeyliceobase) April 10, 2021
Primeira derrota do HC Borbolla na Ok Liga Prata neste curso
O HC Borbolla, cede a súa primeira derrota e o fai como local ante o CP Alcorcón, que se coloca líder quitándolle o primeiro posto, precisamente, ás tomatitas
Logo dunha primeira metade cun único e solitario gol local, na segunda a efectividade metrou en ambas as dúas escuadras. Aos cinco minutos de xogo empataba o CP Alcorcón por medio de Anna Carranza.
As madrileñas chegaron a poñerse por diante co 1-2 obra de Marina Monge aos 12 minutos do segundo acto.
Pasaban os minutos e o HC Borbolla non era quen de igualar o choque ante o CP Alcorcón. As tomatitas viron finalmente porta a falta de tres minutos para o final. Anotou Lucía Yáñez o empate (2-2). Pero cando as galegas traballaban aprol da remontada, chegou a estocada final das madrileñas con 2-3 que fixo Marina Monge que batía a Edén Avecilla un minuto despois de que se conseguise o empate e sumaba o un segundo tanto na súa conta particular deste partido.
O resultado (2-3), arrebata o liderato na Ok Liga Prata ás galegas e llo entrega á súas rivais deste cuarta xornada: CP Alcorcón.
O seguinte partido para as dúas escuadras coruñesas será un derbi que acollerá o pavillón de Elviña 2, xa que actuará como local o HC Deportivo Liceo e o HC Borbolla exercerá de club visitante. O duelo de rivalidade coruñesa está marcado para o sábado 24 de abril ás 19:00 horas.
FICHA TÉCNICA
HC BORBOLLA: Edén Avecilla, Marta Vilas, Antía Rivadas, Lucía Yáñez e Lara Yáñez – quinteto inicial -. Tamén xogaron: Valentina de Girolamo, Alba Díaz (C) e Florencia de Girolamo. Lucía Castro (P)
CP ALCORCON: Patricia Sanz, Anna Carranza, Carlota Antunez, Carolina Monedero e Marina Monge Terrado – quinteto inicial -. Tamén xogaron: Gabriela Delgado e Celia Montero. Estela Sánchez (P).
GOLES: 1-0 Marta Vilas. 1-1 Anna Carranza. 1-2 Marina Monge. 2-2: Lucía Yáñez. 2-3: Marina Monge.
ÁRBITROS: Enrique Manuel Díaz Sánchez. Cronometrador Pedro Romero Martínez. Sen cartóns azuis.
INCIDENCIAS: Partido correspondente á cuarta xornada da Ok Liga Prata da FEP, disputado no pavillón de Monte Alto na Coruña.
