O Deportivo Liceo trasladou formalmente ó Concello da Coruña unha petición “para utilizar o Pazo dos Deportes como recinto de xogo e adestramento do equipo feminino, recentemente ascendido á OK Liga“, segundo informa o club herculino.
Sinalan desde o equipo verdibranco que “esta decisión tómase en pos da igualdade entre os conxuntos do club, representantes da cidade nas máximas competicións nacionais de hockey sobre patíns e, polo tanto, motivos de orgullo. A tempada 21/22 pretende inaugurar a xustiza, a visibilidade e a mencionada igualdade hacia un equipo que contará con tódolos medios da entidade para destacar na OK Liga“.
O Concello tentará “axudar” na petición do HC Deportivo Liceo
Á súa vez, o Concello da Coruña “manifestou a súa clara intención de axudar en todo o posible para lograr este obxectivo”, aseguran desde a entidade verdibranca. O Deportivo Liceo agradeceu “a Mónica Martínez, concelleira de Deportes do municipio, a todo o órgano público a excelente recepción da idea”.
