Ofrecero HC Deportivo Liceo e HC Borbolla un derbi digno de ver pero que se decidiu pola mínima do bando das verdibrancas. As liceístas, que actuaban como locais no pavillón de Elviña II da Coruña, impuxéronse 1-0 con gol de Naiara Vaamonde ás tomatitas.
Como xa deciamos na previa, os derbis, como as finais, non se xogan, gánanse. E neste o trunfo foi para as verdibrancas que con estes tres puntos afiánzanse máis como aspirantes ao ascenso. As deportistas que adestra Carlos Loureiro colócanse segundas na táboa clasificatoria da Ok Liga Prata empatadas a puntos co CP Alcorcón que ten mellor golaverage.
As madrileñas continúan líder logo de gañar 2-9 ao Gatikako Iusturi. Mentres que o HC Borbolla remata a xornada na cuarta praza a catro puntos dos postos de ascenso.
A favor das liceístas está tamén que teñen un partido menos ca o CP Alcorcón, polo que a súa situación neste momento é moi boa de cara a acadar o ascenso que teñen como obxectivo neste curso 2021.
As cancerbeiras do Liceo e do Borbolla, Katy Guscin e Edén Avecilla respectivamente, aplicáronse ben baixo paus e conxuraron o perigo que chegou ambas as dúas portarías salvo no caso do gol de Naiara Vaamonde que decidiu o choque para o Hockey Club Deportivo Liceo. Lara Yáñez erraba un penalti a favor do Hockey Club Borbolla a 14 minutos para o final.
A piques estiveron as xogadoras que adestra o técnico galego Santi Martínez de empatar o choque no minuto final do encontro pero a cancerbeira verdibranca salvou so puntos para o seu equipo.
A vindeira xornada se disputará completa o domingo 2 de maio e contará cos seguintes cruces:
- 10:00 horas CPP Raspeig vs HC Deportivo Liceo
- 11:00 horas UDC Rochapea vs Gatikako Iusturi
- 12:30 horas HC Borbolla vs CP Las Rozas
Descansa: CP Alcorcón.
FICHA TÉCNICA
HC DEPORTIVO LICEO: Katy Guscin, Ale Martín, Naiara Vaamonde, Luchy Paz e Cris Diz – quinteto inicial -. Tamén xogaron: Bea Gaete, Andrea Ojeda e Isa Barros.
HC BORBOLLA B: Edén Avecilla, Antía Rivadas, Marta Vilas, Lara Yáñez e Lucía Yáñez – quinteto inicial -. Tamén xogaron: Valentina De Girolamo, Alba Díaz e Lucía Castro.
ÁRBITRO: Villar Costa. Sen cartóns azuis.
GOLES: 1-0 Naiara Vaamonde (min. 32).
INCIDENCIAS: Jornada 6 de la OK Prata Femenina 20/21. Polideportivo de Elviña II ante 60 espectadores debido á redución do aforo por mor da COVID-19. Derbi coruñés de hoquei sobre patíns.
Revive o partido entre HC Deportivo Liceo e HC Borbolla con Hockey Global
