Chegaba á Riazor un óso duro de roer, se cadra o máis duro da Ok Liga Iberdrola, o Palau de Plegamans polo que o HC Deportivo Liceo sabía que tiña por diante un partido complicado. Con todo, as galegas se adiantaron no marcador ás líderes da categoría. Chegaron a ir dous goles arriba pero as catalás empataron primeiro o choque e puxéronse finalmente por diante. Un gol arriba deu o triunfo e os puntos en xogo ao favorito sobre o papel, o Generali HC Palau de Plegamans por 2-3.
Alba Garrote abría o marcador no arranque do choque aportando ilusión e eficacia á escuadra galega do HC Deportivo Liceo que se adiantaba no electrónico do Pazo dos Deportes de Riazor (1-0). O segundo tanto tardaría uns cinco minutos máis. O gol asinouno Marlena Rubio (2-0).
O conxunto que adestra Stanis García víase con posibilidades facéndolle fronte ao líder.
Empeza a remontada do Palau
Antes de poñer rumbo a vestiarios acurtaba distancias o conxunto visitante cun tanto de Laia Juan (1-2).
Xa no segundo período o Generali HC Palau de Plegamans certificaba a remontaba. O empate o anotaría Aina Florenza (2-2). E o gol do triunfo visitante foi obra de Berta Busquets de falta directa (2-3).
FICHA TÉCNICA
2) HC DEPORTIVO LICEO: Viky Caretta, Bea Gaete, Marlena Rubio, María Sanjurjo e Alba Garrote – quinteto inicial -. Tamén xogaron: Cris Diz, Lara Yáñez e Ale Martín.
3) GENERALI HC PALAU DE PLEGAMANS: Laura Vicente, Berta Busquets, Carla Fontdegloria, Laura Puigdueta e Aina Florenza – quinteto inicial -. Tamén xogaron: Aimee Blackman,, Mariona Colomer e Laia Juan.
GOLES: 1-0: Alba Garrote min. 1. 2-0: Malena Rubio min. 6. 1-2: Laia Juan min. 22. 2-2: Aina Florenza min. 26. 2-3: Berta Busquets min. 43 (falta directa).
EQUIPO ARBITRAL: Jorge Carmena Ortega, árbitro principal, Carlos Chouciño Fernández, árbitro auxiliar e Vicente Moreno Loureda, cronometrador. Amosaron cartón azul a María Sanjurjo e a Alba Garrote nas filas liceístas.
INCIDENCIAS: Partido da Ok Liga Iberdrola correspondente á xornada 17ª disputado no Pazo dos Deportes de Riazor na Coruña.
