Dous goles tivo que remontar o CP Vila-Sana un marcador adverso ante o HC Deportivo Liceo. O equipo galego rematou perdendo a domicilio un partido no que chegou a estar 0-2 por diante no electrónico. De gañar, tería sido o primeiro conxunto en vencer as catalás que continúa invictas como o Palau.
Non hai que perder de vista que o CP Vila-Sana é o segundo clasificado e aspira a todo nesta OK Liga Iberdrola. Por iso, o feito de que o HC Deportivo Liceo lle faga fronte e incluso tivese podido chegar a gañarlle na súa pista, fala moi ben do xogo do conxunto galego.
🟡Resultat del partit d’OK LLIGA de la temporada:
🟣CP VILA-SANA3️⃣-2️⃣DEPORTIVO LICEO
🟡Gols de Victòria Porta, Vale Fernàndez i Maria Porta.#cpvilasana #ok #hoquei #unio #entrenaments #temporada2223 #equips #oklliga #unpoble #unafamilia #partitapartit #lliga #endavant #hoquei pic.twitter.com/Qk3Y8EAtwg
— CLUB PATÍ VILA-SANA (@hoquei_vilasana) December 3, 2022
Abría o marcador Marlena Rubio con pouco máis de cinco minutos de xogo consumidos. Antes de chegar aos 15, Alba Garrote anotaba o segundo (0-2) para as galegas. Antes de ir ao descando Valentina Fernández recurtaba distancias (1-2).
Victoria Porta, de penalti (discutido), facía o empate (2-2). A puntilla para as galegas chegaba co 3-2 anotado pola irmá da anterior anotadora, María Porta a cinco minutos do final do partido.
Con este resultado as galegas quea destra Stanis García ubícanse na décima praza da OK Liga Iberdrola empatadas a nove puntos co Igualada Femení Grupo Guzmán, a un punto do CP Voltregá Stern Motor e a dous de Orkla Bigues i Riells e Lidergrip CH Mataró que é sexto.
Á fronte da táboa continúan invictos o Generali HC Palau de Plegamans e o Club Patí Vila-Sana, rival nesta semana do HC Deportivo Liceo.
FICHA TÉCNICA
3) CLUB PATÍ VILA-SANA: Anna Salvat, Daiana Silva Quiroga, Valentina Fernández, Luchi Agudo e Victoria Porta Escoda – quinteto inicial -. Tamén xogaron: María Porta Escoda (C), Alèxia Costa e María Figuerola Brull.
2) HC DEPORTIVO LICEO: Vicky Caretta, Bea Gaete, María Sanjurjo, Alba Garrote e Marlena Rubio – quinteto inicial -. Tamén xogaron: Lara Yáñez e Cris Diz.
GOLES: 0-1, min. 6: Marlena Rubio. 0-2, min. 13: Alba Garrote. 1-2, min. 21: Valentina Fernández. 2-2, min. 31: Victoria Porta (penalti) 2-3, min. 46: María Porta.
EQUIPO ARBITRAL: Josep Pitarch Montserrat. Non amosou cartóns.
INCIDENCIAS: Partido correspondente á oitava xornada da OK Liga Iberdrola disputado no Pavelló Municipal de Vila-Sana.