O HC Coruña xa ten rivais para a fase de Grupos da WSE Champions League feminina de hoquei sobre patíns. A competición arrinca o 11 de novembro.
O sorteo meteu ao HC Coruña no mesmo grupo que o Martinelia CP Manlleu catalán e o U.S. Coustras francés. Buscarán o pase á seguinte fase da WSE Champions League
🚨Na tarde do luns, fíxose o sorteo dos grupos da #WSEChampionsLeagueWomen. 🇪🇺
Nesta primera fase, enfrontarémonos ás francesas do U.S Coutras e ao @cpmanlleu para tratar de conseguir un posto nos cuartos de final.
Imos!💙📸 @manu_boutureira
@estrellagalicia @AzemadSport… pic.twitter.com/hLZoupd6JN— H.C. Coruña Feminino (@CorunaFeminino) October 25, 2023
Tal e como informa a Federación española de patinaxe os equipos españois que estaban nos bombos eran: CP Esneca Fraga, o CP Vila-Sana Coop. d’Ivars, o Telecable HC (vixente campión da competición), o HC Coruña, o Martinelia Manlleu e o Generali HC Palau de Plegamans.
O sorteo deu lugar a catro grupos diferentes con tres equipos cada un. No grupo A están CP Esneca Fraga e CP Vila-Sana Coop. D’Ivars se enfrentarán no segundo partido da fase de grupos. E o terceiro equipo do grupo é o SL Benfica portugués.
No grupo B están o Telecable HC que se vai enfrontar o IGR Remscheid alemán e ao Roller Matera italiano.
No grupo C están as representantes galegas, o HC Coruña, xunto ao equipo catalán do Martinelia CP Manlleu, os dous equipos españois loitarán para acadar a clasificación xunto co Coutras Rink-Hockey francés.
Pola súa parte, o Generali HC Palau de Plegamans estará no grupo D co RHC Vordemwald suizo e o Astro Stuart HC Massama portugués.
Grupos da WSE Champions League:
Grupo A
- SL Benfica (POR)
- CP Esneca Fraga (ESP)
- CP Vila-Sana Coop. D’Ivars (ESP)
Grupo B
- IGR Remscheid (ALE)
- Telecable HC (ESP)
- Roller Matera (ITA)
Grupo C
- Coutras Rink-Hockey (FRA)
- HC Coruña (ESP)
- Martinelia Manlleu (ESP)
Grupo D
- Generali HC Palau de Plegamans (ESP)
- RHC Vordemwald (SUI)
- Astro Stuart HC Massama (POR)
