A sexta xornada da OK Liga Iberdrola pon ás galegas do HC Coruña rumbo a terras catalás. O conxunto coruñés xoga na pista do CP Voltregá Movento Stern hoxe, sábado 28 de outobro a partir das 17:30 horas. O partido poderá seguirse ao vivo a través da OK Liga TV.
🚨Esta fin de semana viaxamos a Voltregà para desputar o partido correspondente á 6ª xornada da #OkLigaIberdrola. Poderedes seguilo a través de Youtube. Imos rapazas!💙@estrellagalicia @AzemadSport @gadis @coruna_deportes @tallereskplan @recoletosconsul #opetisco #mesonabalea… pic.twitter.com/mVAjUgvF76
— H.C. Coruña Feminino (@CorunaFeminino) October 27, 2023
O HC Coruña ocupa a segunda praza da táboa clasificatoria a tres puntos do CP Vila-Sana Coop D`ivars. As amarelas teñen 15 puntos e as azuis 12. Por detrás, con 10 puntos, están as asturianas do Telecable HC. O rival das herculinas, o CP Voltregá Movento Stern ocupa a 11ª posición con so cinco puntos (unha vitoria, dous empates e dúas derrotas), polo que, sobre o papel, o conxunto que adestra Stanis García podería ter chance de colleitar un triunfo a domicilio e apuntar ao cumio da táboa clasificatoria.
Non hai que confiarse xa que as catalás son quen de dar sorpresas como o empate que asinaron contra do Telecable (1-1), que é o vixente campión e terceiro na clasificación actual.
Na traxectoria o HC Coruña nesta OK Liga Iberdrola 2023-24 cóntanse ata o momento catro vitorias e so un partido perdido. Foi na segunda xornada na visita ao Martinelia Manlleu (3-1). Suman as galegas 17 goles a favor e 7 en contra. Impuxéronse a Cerdanyola CH Feníe Energía (6-1), Igualada Femení Grupo Guzman (6-1), Bembibre Hockey Club (1-2) e Solideo PHC Sant Cugat (2-1).
Na preparación do partido desta semana as azuis tiveron a visita de xogadoras do concello veciño de Oleiros. En concreto as patinadoras Inés e Martina do Hockey Oleiros sumáronse ao adestramento do conxunto herculino.
No adestramento de onte tivemos duas invitadas moi especiais, Inés e Martina, xogadoras do @HockeyOleiros !
Esperamos telas con nós moitas veces mais! 💙 pic.twitter.com/e5fUwTOOml— H.C. Coruña Feminino (@CorunaFeminino) October 27, 2023
Esta semana o HC Coruña coñecía o resultado do sorteo da fase de Grupos da WSE Champions League feminina de hoquei sobre patíns. O bombo colocou ás coruñesas compartindo grupo co Martinelia CP Manlleu catalán (único equipo que gañou na liga ás galegas polo de agora) e o U.S. Coustras francés. A competición continental dará inicio o 11 de novembro.
O HC Coruña xa ten rivais para a fase de grupos da WSE Champions League
