Co arranque de setembro empeza tamén o traballo de pretempada para o HC Coruña Feminino. O equipo coruñés, que militará la máxima categoría do hoquei a patíns estatal e que xogará competición europea, comezou a rodar.
As xogadoras déronse cita no Pazo dos Deportes de Riazor ás ordes de Stanis García e o resto de corpo técnico que dirixirá a un bloque serio que agardar afrontar con garantías a tempada 2023-2024 na elite estatal, a OK Liga Iberdrola. A competición de Liga está previsto que comece coas galegas como locais o 24 de setembro ás 12:30 recibindo ao Cerdanyola CH Feníe Energía.
Este novo proxecto que principia andaina, pode facelo na máxima categoría do hoquei a patíns estatal feminino por mor da renuncia do HC Liceo que cedeu a súa praza ao HC Coruña Feminino. De feito, boa parte das xogadoras e corpo técnico do club verdibranco pasou a formar parte do azul. O equipo directivo está liderado por un grupo de persoas afeccionadas que decidiu lanzarse e coller a remuda do equipo liceísta no hoquei feminino coruñés.
Das dez xogadoras que fixo público o club herculino que defenderán a súa camiseta o vindeiro curso 2023-24 na OK Liga Iberdrola, sete militaban no HC Liceo o pasado curso.
Esta é a lista de patinadoras do HC Coruña e o seu equipo de procecencia:
- Viki Caretta – HC Liceo
- Ari Escalas – HC Liceo
- Luchy Paz – HC Liceo
- Ale Martín – HC Liceo
- Cris Diz – HC Liceo
- Alba Garrote – HC Liceo
- Bea Gaete – HC Liceo
- Anna Bulló – CP Manlleu
- Mar Franci – HC Lleidanet Alpicat
- Fernanda Muñoz – Independiente de la Florida
O club, que se conformaba hai uns meses,, chámase Hockey Club Coruña Feminino e está integrado por persoas aficionadas a este deporte da cidade herculina que decidiron dar un paso adiante para non deixar esmorecer o acadado ata o momento nesta modalidade na cidade coruñesa. Lucía Sanjurjo está á fronte dunha directiva na que as mulleres son maioría.
As xogadoras do club coruñés recibiron tamén hai uns días as equipacións de adestramento, da man de Dolco Uniformes. As azuis vestirán de Luanvi.
Gala e Vera fixeron entrega das equipacións de adestramento ás nosas. Grazas! #DolcoUniformes @Luanvi 💙#hockeypatines #hoqueipatins #deportegalego #xuntadegalicia #okligaiberdrola @coruna_deporte @fdeportegal @cangrejoroel @dxtcampeon @MeriVarela @cronicacoruna… pic.twitter.com/HW9l4ueqCy
— H.C. Coruña Feminino (@CorunaFeminino) September 2, 2023
