Cinco conxuntos da Ok Liga Iberdrola teñen a cero o seu casilleiro de vitorias na Ok Liga Iberdrola 2025-26. Trátase do Oxigen PHC Sant Cugat, LLeidanet HC Alpicat, Hockey Club Coruña, Orkla Bigues I Riells e ENE Oposiciones CP Mieres que é o pechacancelas. As coruñesas do HC Coruña recibirán as asturianas nesta cuarta xornada da competición da regularidade.
O partido está previsto para o sábado 25 de outubro a partir das 17:00 horas no Pazo dos Deportes de Riazor. Segundo informan desde o club herculino, o HC Coruña afronta a cuarta xornada da OK Liga Iberdrola 2025-26 coa moral alta, a pesar da derrota sufrida a pasada fin de semana diante do CP Palau, vixente campión de Europa.
O conxunto dirixido por Stanis García deixou boas sensacións e mostrou unha clara melloría respecto a as súas dous primeiros compromisos ligueiros, saldados con derrotas máis avultadas.
O CP Mieres ven de encaixar unha goleada
Pola súa banda, o ENE Oposiciones CP Mieres chega ao encontro nunha situación moi similar, con tres derrotas no seu haber e unha última goleada encaixada en casa (1-15) fronte ao Bembibre.
Esa diferenza de goles deixou ao conxunto asturiano como pechacancelas da competición, o que converte este choque nunha oportunidade chave para ambos os dous equipos de sumar os seus primeiros puntos e gañar confianza.
O duelo entre coruñesas e mierenses prevese intenso, con dous bloques de xogadoras novos que buscan asentarse na categoría e demostrar que poden competir de ti a ti fronte aos rivais máis experimentados.
O público do Palacio dos deportes de Riazor será un factor determinante para empuxar ao HC Coruña no seu intento de reverter a dinámica.
