O HC Coruña regresou da súa visita á cancha do CP Voltregá Movento Stern cun empate 2-2. É a primeira vez que as coruñesas rematan un partido en táboas neste curso na Ok Liga Iberdrola.
O HC Coruña chegou a ir por diante no marcador ata poñerse 0-2 pero dilapidou a súa vantaxe ata rematar empatando o choque. Anotaron para as galegas primeiro Bea Gaete e logo Luchy Paz. O primeiro gol das catalás anotouno Esther Vistos e o empate Dana Antón. Tivo un penalti o HC Coruña pero non foi quen que transformalo para volverse pór diante no electrónico.
Este é o primeiro empate na OK Liga Iberdrola 2023-24 para o HC Coruña. O equipo que adestra Stanis García acumula ata o momento catro vitorias, un partido perdido e o empate desta última xornada. A derrota aconteceu na segunda xornada na visita ao Martinelia Manlleu (3-1). Suman as galegas 19 goles a favor e 9 en contra. Impuxéronse a Cerdanyola CH Feníe Energía (6-1), Igualada Femení Grupo Guzman (6-1), Bembibre Hockey Club (1-2) e Solideo PHC Sant Cugat (2-1).
O HC Coruña é cuarto
Con este resultado as coruñesas ocupan a cuarta praza na OK Liga Iberdrola empatadas a 13 puntos coas segundas, Generali HC Palau de Plegamans , e as terceiras, o Telecable HC.
O seguinte partido do HC Coruña é na Coruña o domingo 5 de novembro a partir das 12:30 horas recibindo ao CP Las Rozas. As madrileñas empataban tamén 2-2 esta xornada pero na cancha do Solideo PHC Sant Cugat. Son 9ª con sete puntos. Suman dúas vitorias, un empate e tres derrotas.
FICHA TÉCNICA
2) CP VOLTREGÁ: Uxue Otegi, Dana Antón, Esther Vistos, MAría Anglada e Alexia Bosch – quinteto inicial -. Tamén xogaron: Anna Bosch, Puala Vilamala, Berta Ferrán e Irene Torres.
2) CH CORUÑA: Vicki Caretta, Bea Gaete, Luchy Paz, Fernanda Muñoz e Anna Bulló – quinteto inicial -. Tamén xogaron: Mar Franci, Ale Martín e Cris Diz.
GOLES: 0-1 min 6 Luchy Paz. 0-2 min. 13 Anna Bulló. 1-2 min. 29 Esther Vistos. 2-2 min. 48 Dana Antón
EQUIPO ARBITRAL: Quim Navales Morera, auxiliado por Natan Rivero Alonso. Cronometrador Marc Valentí Finestres.
INCIDENCIAS: Partido correspondente á sexta xornada da Ok Liga Iberdrola disputado no Pabelló Municipal Oliveras de la Riva en Sant Hipòlit de Voltregà.
