Non é a primeira vez do Hockey Club Borbolla na OK Liga. As coruñesas xa teñen militado na máxima categoría do hoquei a patíns español. O seu reto agora e saber facer valer a experiencia previa e o traballo de todo un bloque que durante anos se leva preparando para este momento. A aspiración das galegas non é outra que “a permanencia” tal e como admite o seu adestrador, Santi Martínez.
As coruñesas do HC Borbolla volven estar este ano entre as mellores logo de acadar o ascenso nunha tempada finalizada abruptamente por mor da pandemia de COVID-19 que detivo a competición en tantas disciplinas deportivas. O hoquei rodado feminino foi unha delas.
Para este curso 2020-21, o club herculino manten a base do bloque de anos previos. Con todo, reforzouse con: Marta Vilas, Antía Rivadas, Florencia de Girolamo e Fernanda Muñoz.
Marta Vilas, HC Borbolla
As baixas das ‘tomatitas’, como se lles chama de xeito coloquial (visten con camiseta a franxas vermella e negras), foron: Ainhoa García, Rebeca Lomba, Jimena Ortiz e Elena Pérez.
No seu partido debut do curso 2020-21 na que está considerada a mellor liga do mundo na disciplina, as galegas reciben ao CP Alcorcón. O cruce está previsto para hoxe, sábado 26 de setembro, ás 20:00 horas na Coruña.
O HC Borbolla recibe ao CP Alcorcón na primeira xornada da OK Liga
Dúas fases competitivas na OK Liga ás que se enfronta o HC Borbolla
A máxima categoría do hoquei feminino español divídese esta tempada en dúas fases competitivas. A primeira separa aos equipos en dous grupos con oito clubs en cada un deles. Haberá logo unha segunda fase e un play-off polo título de campionas que terá lugar do 1 ao 23 de mayo de 2021.
Este formato competivo renovado non é de todo do agrado do adestrador das galegas que indicaba sobre o sistema de competición: “Como adestrador , persoalmente gústame máis o sistema tradicional de todas contra todas no sistema de Liga, creo que premia ao equipo máis regular do ano. Con todo, recoñezo que de cara ao espectador a disputa duns play off pode ofrecer máis emoción”.
O club galego está incluído no Grupo A composto por:
- Cerdanyola CH
- CP Alcorcón
- CP Las Rozas
- Ene Oposiciones Cuencas Mineras
- Garatge Plana Girona CH
- HC Borbolla
- Magic Studio CP Manlleu
- Telecable HC
É dicir, que as de Santi Martínez comparten grupo nesta fase inicial co actual campión: o Magic Studio CP Manlleu que será o rival a batir neste novo curso. Precisamente consultado sobre os rivais que lle tocaron en sorte, Santi Martínez, adestrador do Borbolla sinalaba que neste Grupo A “hai tres equipos que parece que estarán case seguro no grupo que pelexará polo título como son Manlleu (actual campión), Telecable e Cerdanyola. A cuarta praza do grupo estará moi disputada”.
No Grupo B están: Areces Ecopilas Asturhockey, CHP Bigues i Riells, CP Esneca Vila-sana, CP Vilanova, CP Voltregà, Generali HC Palau de Plegamans, Igualada Femení HCP e PHC Sant Cugat.
Na campaña pasada Generali HC Palau de Plegamans, Cerdanyola CH, CP Voltregá Stern-Motor e Telecable HC foron os equipos que obtiveron a clasificación para disputar a próxima edición da Euroliga Femenina, polo que, sobre o papel, son os bloques máis fortes.
No caso do CHP Bigues i Riells, CP Vila-sana, Garatge Plana Girona CH, CP Alcorcón e CP Vilanova, todo indica que a súa loita será a de asentar os seus proxectos deportivos e competir todos os partidos buscando rascar puntos alí onde poidan.
O ano pasado non o pasaron ben: PHC Sant Cugat, CP Las Rozas, Areces Ecopilas Asturhockey e Ene Oposiciones Cuencas Mineras, polo que suponse que querrerán posicionarse canto antes na zona tranquila da táboa clasificatoria. Os ascendidos deste curso son o HC Borbolla e o Igualada Femení HCP.
A OK Liga conta co protocolo de prevención da COVID-19
Segundo explica a RFEP, “a Federación e o el Comité Nacional de Hockey sobre Patines traballaron para elaborar protocolos de obrigado cumprimento que permitirán asegurar as condicións sanitarias para o desarrollo da competición”. Neste sentido, según explicaba Santiago Martínez, o técnico das coruñesas, as xogadoras xogans en máscara pero sométense a test serolóxicos cada 14 días.
