Segundo asalto na Ok Liga para as xogadoras do HC Borbolla. O rival será o Ene Oposiciones Cuencas Mineras e a cita está prevista para hoxe sábado 3 de outubro ás 20:00 horas no Pavillón de Monte Alto na Coruña. O obxectivo: acadar ese primeiro triunfo que descargue tensións e abra a espita na senda das victorias.
Hai unha semana, no mesmo escenario herculino, as galegas caína derrotadas no seu partido de retorno á elite do hoquei a patíns estatal. Foi co Alcorcón por 1-2. Pero o partido estivo moi igualado e serviu ás ‘tomatitas‘ para ser conscientes de que van no bo camiño co traballo que están facendo entre semana.
O adestrador do HC Borbolla, Santi Martínez, explicaba que chegan a este novo cruce, esta vez diante do Cuencas Mineras, con “moitas ganas”. Precisamente debido a que quedaron “fastidiadas coa derrota da pasada semana”. O técnico matiza que dese primeiro cruce na Ok Liga 2020-2021 sacaron o “lado positivo. Vimos que podemos xogar de ti a ti cun equipo coma o Alcorcón. Fomos quen de dar a talla como equipo e de primar o noso xeito de xogar durante moitos momentos do encontro”.
Santi Martínez, adestrador do HC Borbolla: “Estamos fastidiadas coa derrota da pasada semana, pero ten un lado positivo. Vimos que podemos xogar de ti a ti cun equipo coma o Alcorcón. Fomos quen de dar a talla como equipo e de primar o noso xeito de xogar durante moitos momentos do encontro”
É por iso que, o adestrador, Santi Martínez tira unha lectura boa da xornada previa: “Como equipo, a pesares da derrota, saímos reforzadas e con ganas de xogar xa o seguinte partido”. Desexo cumplido! Toca xa voltar á patinar sobre a pista de Monte Alto.
O Cuencas, “un rival directo”, advirte o técnico do Borbolla
A Liga e a evolución dos equipos sobre a pista é o que sirve ao final da competición, pero sobre o papel o Cuencas Mineras “é un rival directo”, tal e como apunta o adestrador das coruñesas, Santi Martínez. A loita pola permanencia na elite non será tarefa sinxela pero as galegas están dispostas a dalo todo para manterse entre as mellores de España, as mellores da mellor Liga feminina do hoquei a patíns no mundo.
Santi Martínez, adestrador do HC Borbolla: “Do partido co Alcorcón, en realidade saímos reforzadas e con ganas de xogar xa o seguinte partido. O Cuencas é un rival directo que non nolo ha pór doado”
O preparador coruñés sinala que espera que as xogadoras visitantes “no lo poñan difícil, como todos. Xa teñen experiencia de ter xogado o pasado ano”.
Sobre os efectivos das asturianas Martínez destaca a xogadoras como “Alba Garrote, moi goleadora, e á chilena Florencia Llera, unha deportista que ficharon este ano, así como á gran porteira Laia Navarrete”.
Santi Martínez, adestrador do HC Borbolla destaca do CP Cuencas Mineras a: “Alba Garrote, moi goleadora, e á chilena Florencia Llera, unha deportista que ficharon este ano, así como á gran porteira Laia Navarrete”
O luns poderían chegar as chilenas do HC Borbolla
Lembremos que o HC Borbolla está a espera da incorporación de dous dos seus reforzos desta tempada, as xogadoras chilenas Fernanda Tapia e Fernanda Nuñez. No club coruñés agardan que a desexada chegada se produza o vindeiro luns. Logo faltará a adaptación, pero confíase en que a súa achega mellore o bloque e outorgue ás galegas aínda máis ferramentas para acadar a permanencia.
Hai que ter presente que na OK Liga deste ano hai dous grupos de oito equipos que xogan unha primeira fase. Na segunda fase, os catro primeiros de cada grupo xogarán o play-off polo título. Os catro últimos, lotirán por non descender. Ao arrastrase os resultados directos da primeira fase, é fundamental puntuar diante dos clubs que poden ser rivais nesa segunda etapa competitiva para non hipotecar as posibilidades de permanencia.
Un rival que busca a súa primeira victoria
As asturianas perderon tamén na primeira xornada da OK Liga polo que tamén virán á Coruña con ansia de sumar a súa primeira victoria no curso 2020-2021. O seu verdugo na xornada debú foi Las Rozas por 2-4. Os goles do CP Cuencas Mineras foron de Alba Garrote e a capitá Milagros Puig.
O partido poderá seguirse en streaming a través da canle dun dos patrocinadores do HC Borbolla, Hockey Global.
Y como no, volveremos a estar también en directo este sábado a las 20 h. con el partido del @HockeyCBorbolla que recibirá al @cuencas_mineras en la 2ª jornada de la #OKLigaF buscando ambos conjuntos estrenar su casillero de victorias. pic.twitter.com/sOnhhXw25S
— HockeyGlobal.net (@hockeyglobal) September 28, 2020
Sábado 3 de outubro
CP Las Rozas – Magic Studio CP Manlleu (16:00 horas)
HC Borbolla – Ene Oposiciones Cuencas Mineras (20:00 horas)
Domingo 4 de outubro
CP Alcorcón – Telecable HC (11:00 horas)
Garatge Plana Girona CH – Cerdanyola CH (16:05 horas) (En directo por la Xarxa TV y OK Liga TV)
Grupo B
Sábado 3 de outubro
CP Voltregà Stern Motor – Areces Ecopilas Asturhockey (17:30 horas)
PHC Sant Cugat – Igualada Femení HCP (18:15 horas)
CP Esneca Vila-sana – CP Vilanova – (19:30 horas)
Generali HC Palau de Plegamans – CHP Bigues i Riells (20:00 horas)
Segunda xornada da OK Liga Feminina
Grupo A
