Esta fin de semana o Polideportivo Municipal da Sagrada Familia da Coruña acolle o XXIV. Campionato de España Junior Feminino de Halterofilia e o LVIII. Campionato de España Junior Masculino. Ha que destacar o concurso de halteras galegas de gran nivel como as deportistas do Club Halterofilia Coruña Irene Blanco e Ruth Fuentefría, que ademais compiten ‘na casa’.
A Federación Española, debido á situación por COVID, reduciu a participación de deportistas comparando coas outras edicións, segundo explican desde a Federación Galega de Halterofilia.
De entre os que conseguiron as marcas mínimas nas diferentes categorías de pesos corporais, na fase previa celebrada o pasado 19 setembro, unicamente poden competir, como máximo, os 5 primeiros do ránking por categorías, un total de 74 deportistas.
A Federación Galega de Halterofilia conta con oito participantes para o evento:
- Cat 67 kgs Jaime Fernández C.H. Coruña
- Cat 73 kgs Alberto Rodríguez C.H. Sulyos
- Cat 45 kgs Ruth Fuentefría C.H. Coruña
- Cat 49 kgs Jennifer Tocuyo C.H. Coruña
- Cat 55 kgs Vega García C.H. Coruña
- Cat 59 kgs Dariana Arancibia C.H. Coruña
- Cat 71 kgs Amy Abelleira C.H. Vigo
- Cat 87 kgs Irene Blanco C.H. Coruña
Debido aos horarios especiais por COVID, a competición desenvolverase en dúas xornadas: o sábado todo o día e o domingo pola mañá.
