A Federación Internacional de Halterofilia vén de anunciar na súa páxina web a cancelación do Campionato do Mundo Junior polo coronavirus COVID19, como medida de precaución A competición, para a que estaba citada Irene Blanco, íase disputar en Rumanía do 14 ao 21 de marzo. Esta circunstancia impide la celebración do Campionato do Mundo en Bucarest.
Aínda que fala dun “risco baixo”, a IWF explica que o desenvolvemento do coronavirus é a causa da cancelación da proba deportiva. A federación internacional detalla que: “Non pode estar segura de que os atletas de todas las nacións asistirían (ou que se acudiran, se lles deixaría volver aos seus fogares)”.
A deportista declaraba que sentía “que toda a preparación que fixemos e o traballo teña sido en van. Síntome frustrada e agora so quero atopar outro obxectivo no que centrarme”.
A deportista galega do Club Halterofilia Coruña, Irene Blanco, tiña moitas esperanzas postas nesta competición. Ela é xa campioa mundial xuvenil e partía como unha das halteras favoritas para alzarse co título na súa categoría, neste caso os 87 kilos de peso corporal.
Risco baixo pero priorízase a saúde e benestar das deportistas
En concreto, a IWF (International Weightlifting Federation) informa de que ao longo da súa planificación para o Campionato Mundial de Halterofilia Junior 2020 “a saúde e o benestar das persoas participantes teñen sido unha prioridade chave”.
“Temos sido dilixentes á procura dos mellores máis recentes consellos ao respecto”, relatan desde a International Weightlifting Federation no comunicado no que explican que se suspende o Mundial.
“A recente propagación do Coronavirus (COVID19) en todo o mundo ten sido unha prioridade na nosa axenda e o foco da nosa preocupación. O risco para a saúde segue a ser baixo. Pero para mitigar os impactos, as autoridades de saúde pública e os gobernos de todo o mundo actuaron rapidamente para incorporar medidas deseñadas para frear e evitar unha maior propagación”, explican desde a IWF.
IWF: “a saúde e o benestar das persoas participantes teñen sido unha prioridade”
Moitas persoas tocarían as barras e os pratos no Mundial
Destacan desde a Federación Internacional que o “consello da OMS é que, no caso de grandes eventos deportivos internacionais, deben considerarse as características individuais de cada evento. Un Campionato Mundial de Halterofilia, como o IWF JWC 2020 programado en Bucarest para o 13 de marzo, involucra necesariamente a moitas persoas duns 80 países. As barras e os pratos son tocados por moitas mans”, puntualizan desde este organismo internacional.
IWF: “Un Campionato Mundial de Halterofilia, como o IWF JWC 2020 programado en Bucarest para o 13 de marzo, involucra necesariamente a moitas persoas duns 80 países”
Outra cuestión que se tivo en conta pola IWF para suspender o Mundial Junior foi precisamente a “idade dos atletas. Ademais do alcance e complexidade das medidas de saúde pública que se están poñendo en práctica”.
Apuntan neste sentido que “a IWF non pode estar segura de que os atletas de todas las nacións asistirían (ou que se acudiran, se lles deixaría volver aos seus fogares)”.
IWF: “Non podemos estar seguros de que os atletas de todas las nacións asistirían (ou que se acudiran, se lles deixaría volver aos seus fogares)”
Suspéndese como precaución a petición da federación rumana
Logo de avaliar toda a situación, e de debater sobre o asunto, desde a IWF anuncian que “a solicitude do presidente Nicu Vlad da Federación Rumana de Halterofilia, a Xunta Executiva acordou aceptar a cancelación do Campionato Mundial Junior da IWF 2020 en Bucarest, Rumanía, como precaución debido ao desenvolvemento continuo de COVID19. A cancelación incluirá as reunións do Comité e o Congreso”.
IWF: “a solicitude do presidente Nicu Vlad da Federación Rumana de Halterofilia, a Xunta Executiva acordou aceptar a cancelación do Campionato Mundial Junior da IWF 2020 en Bucarest, Rumanía, como precaución”
