En As Nosas preguntámonos se lle hackearon a fan page da deportista dado que desde onte as súas publicacións mudaron notablemente por contidos que así o indican.
Cambio na foto de perfil pola dunha persoa asiática, publicación constante e a xeito de spam de vídeos con contidos que semellan asiáticos, con prezos de productos, teléfonos de contacto para a venda… todo parece indicar que a fan page da fútbolista galega do Utah Royals, Vero Boquete, ten sido hackeada.
As Nosas está tentando contrastar esta información coa deportista, así como, de confirmarse o hackeo, saber que medidas se plantexa. O espazo social conta con 75.514 persoas que seguen Boquete.
A publicación ten variado hai seis días desde cando se teñen publicado xa máis de 350 vídeos con contidos destinados á venda de produtos de todo tipo, pero principalmente, téxtil e calzado. As pezas audiovisuais contan tamén con moitos visionados, comentarios e interacións, pero igualmente parecen ser realizadas por boots.
Desde hai seis días, na páxina de fans en Facebook da futbolista Vero Boquete publícanse constantemente a xeito de spam unha chea de contidos promocionais de téxtil e similiares de orixe que semella vietnamita, ou en todo caso, asiática, pola grafía empregada nas publicacións.
As outras redes da futbolista galega máis internacional parecen non ter problemas. Así tanto Twitter como Instagram non rexistran publicacións fóra do habitual.
Non sería a primeira vez que unha personaxe pública relacionada co deporte tería perdido o control das publicacións nas súas redes sociais.