España vence e convence. As Guerreras proclamáronse campioas do XXV Torneo Internacional de España de Balonmán Feminino tras derrotar a Suíza (37:26, 15:10 no descanso) na terceira xornada de competición en Torrevieja. A Selección Española, tensa en defensa e moi astuta en ataque, afronta o Campionato de Europa 2022 con moi boas sensacións. Na competición, que se disputa do 4-20 de novembro, estará a galega Alicia Fernández. A xogadora do do Rapid Bucuresti recibiu a chamada do seleccionador José Ignacio Prades.
A convocatoria das Guerreras para o Campionato de Europa 2022 está composta por 18 xogadoras que defenderán a elástica da Selección Española durante a gran cita continental. Esta terá lugar entre o 4 e o 20 de novembro en catro cidades europeas: Ljubljana, Celje, Skopje e Podgorica.
A capital montenegrina exercerá de cuartel xeral das Guerreras na primeira fase do Campionato, a Preliminary Round, debutando o 5 de novembro, precisamente, #ante a selección anfitrioa. Polonia e Alemaña son os outros dous rivais a bater nesta fase preliminar, sendo os tres primeiros clasificados neste Grupo D os que conseguirán o pase á Main Round.
As Guerreras están concentradas en Torrevieja desde o luns 24 de outubro ata o 3 de novembro, cando viaxarán a Barcelona para poñer rumbo desde a Cidade Condal a Podgorica.
A lista de xogadoras convocadas por José Ignacio Pradres para disputar ambos os torneos (Europeo e TIE) está composta polas seguintes xogadoras entre das que está a galega Alicia Fernández:
- Portería | Silvia Navarro (Rocasa Gran Canaria), Mercedes Casteláns (Costa do Sol Málaga) e Maddi Aalla (Super Amase Bera Bera).
- Central | Alicia Fernández (Rapid Bucuresti), Carmen Campos (JDA Dijon), Esther Arrojeria (Super Amase Bera Bera).
- Lateral Esquerdo | Lara González (Paris 92), Alexandrina Barbosa (Balonmán Morvedre).
- Lateral Dereito | Almudena Rodríguez (Rocasa Gran Canaria), Irene Espínola (Rapid Bucuresti), Paula Arcos (Super Amase Bera Bera).
- Extremo Esquerdo| Jennifer Gutiérrez (Rapid Bucuresti), Sole López (Costa do Sol Málaga).
- Extremo Dereito | Paula Valdivia (Motive.co Xixón), Maitane Etxeberria (Super Amase Bera Bera).
- Pivote | Kaba Gassama (SG BBM Bietigheim), Lysa Tchaptchet (Vipers Kristianstad), Alba Spugnini (Rocasa Gran Canaria).
José Ignacio Prades salienta que busca o “equilibrio”
O seleccionador estatalm José Ignacio Prades, valoraba a lista de convocadas e recoñecía que “foi moi complexa e complicada de elaborar; foi mesmo doloroso ter que elixir unicamente a 18”.
“Buscamos o máximo equilibrio para que a lista sexa a mellor posible nestes momentos. Cremos que é importante que o abanico de xogadoras amplíese. Buscamos que haxa xogadoras que nos ofrezan polivalencia e que collan experiencia”, engade o técnico ex adestrador do Mecalia Atlético Guardés.
“É importante que a Selección Española teña unha lista ampla de xogadoras coas que poder contar e que poidan ir entrando, porque o día de mañá pode pasar calquera cousa e para o Equipo Nacional é bo que haxa alternativas e que todas as xogadoras vaian collendo experiencia e aprendan a desenvolverse en todo tipo de situacións”, apunta José Ignacio Prades.
José Ignacio Prades, seleccionador das Guerreras: “É importante que a Selección Española teña unha lista ampla de xogadoras coas que poder contar e que poidan ir entrando, porque o día de mañá pode pasar calquera cousa e para o Equipo Nacional é bo que haxa alternativas e que todas as xogadoras vaian collendo experiencia e aprendan a desenvolverse en todo tipo de situacións”
O Campionato de Europa é, para José Ignacio Prades, “a competición máis complexa de todas e a máis difícil”. “O obxectivo é competir de ti a ti diante todos os rivais e tentar sacar o maior número de puntos posibles para lograr a clasificación para a Main Round. Sabemos que vai ser difícil e temos que esixirnos para dar un paso máis”, afirma o seleccionador estatal.
