José I. Prades debutou como adestrador das Guerreras de balonmán con dúas citas moi importantes, os partidos ante Eslovaquia e Portugal no clasificatorio para a EURO 2022. Nos dous encontros, as españolas sairon vitoriosas.
Nas filas das Guerreras estaban a galega Ali Fernández, así como a xogadora do Atlético Guardése Paula Arcos. Con estes resultados, a Selección suma catro puntos, empatada no liderado con Hungría, que será o seu vindeiro rival.
Vitoria ante Eslovaquia
O primeiro duelo disputouse no Fernando Argüelles de Antequera, con afección vermella para animar ás Guerreras. Neste partido, o gol que abriría o marcador local foi da galega Alicia Fernández, nunha penetración desde os seis metros. Pasados uns minutos, e coas eslovacas vencendo, a 34 volveu anotar para reducir distancias.
Cunha boa defensa e acertos en ataque, a Selección logrou colocarse por diante, e ir aumentando a súa distancia. O descanso chegou co 17-11. Despois da pausa, o guion seguiu co dominio español no corenta por vinte, aínda que Eslovaquia apretaba reducindo distancias.
Xusto cando as visitantes ameazaban coa remontada, Ali Fernández volveu á pista, liderando as ofensivas e motivando ás Guerreras para volver a tomar a senda do gol e facer crecer o seu colchón de puntos. Finalmente, o partido rematou no 33-28, dándolle os dous puntos ás españolas.
👶🏻😍 ¡Conexión siglo XXI! ¡Cómo viene la generación del 2001 en las #Guerreras! 🇪🇸
✔️ Un plan ejecutado a la perfección, @PaulaArcos10 y @lysatcd #SheLovesHandball #PlayWithHeart pic.twitter.com/Gvocy3XpGu
— RFEBalonmano (@RFEBalonmano) October 7, 2021
Triunfo axustado ante Portugal
O segundo duelo foi ante as veciñas de Portugal, coas coñecidas Patricia Lima e Sandra Marqués entre as lusas. As xogadoras do Guardés competiron contra a súa compañeira Paula Arcos, que destacou no partido.
A segunda xornada do clasificatorio disputouse no Pavilhao Multiusos de Paredes, e de novo as de Prades remataron cos dous puntos da vitoria.
Desta vez o rival puxo as cousas máis complicadas. Nos primeiros minutos o control era das portuguesas, mentres que a Selección seguía de preto o ritmo de xogo. Lima destacaba nas accións ofensivas locais, mentres que as Guerreras ían pouco a pouco dominando o encontro. A pausa chegou coa vitoria española no marcador, por un 11-14.
Despois do paso por vestiarios, as españolas seguían aumentando a súa vantaxe, chegando a unha diferenza de cinco tantos. Pasado o ecuador desta metade, a selección lusa reaccionaba e obrigaba a Prades a pedir un tempo morto. Durante oito minutos, as Guerreras non foron quen de anotar, pero Paula Arcos chegou para devolver a iniciativa ás españolas.
Cun gol da xogadora do Guardés, as visitantes apretaban para manter a vantaxe conseguida nos minutos anteriores, pero a súa compañeira Sandra Marqués anotou para Portugal, poñendo ao seu equipo por diante.
Malia as dificultades, as Guerreras souberon sufrir e remontar no tramo final, levándose a vitoria por un 22-23 final.
