Carlos Viver volve contar coa galega Alicia Fernández para a súa lista de Guerreras. O seleccionador absoluto do combinado español de balonmán feminino conserva 12 xogadoras das que se proclamaran subcampioas do mundo en Japón no ano 2019.
Logo de facer doblete co seu equipo en Rumanía (gañou a Copa e a Supercopa co Râmnicu Vâlcea), a galega Alicia Fernández repite na Selección Española. Un gran momento de xogo acompaña á deportista de Valdoviño nos últimos tempos e fai que o seu concurso coas Guerreras sexa xa habitual.
! All together . Proud of my team pic.twitter.com/lZSAmYwgg0
— alicia fernandez (@aali_fernandez) September 7, 2020
O adestrador español, Carlos Viver, deu a lista de xogadoras convocadas para a primeira actividade da Selección Absoluta Feminina, tras varios meses de parón competitivo por mor da pandemia mundial da COVID-19.
Será a primeira sesión de traballo do 2020 das Guerreras, segundo informa a RFEBM, logo de que se cancelase o Preolímpico Feminino 2020 que tiña que terse disputado en Llíria no mes de marzo.
As xogadoras traballarán en sesión dobreno Palau D’Esports de Granollers. Trátase dunha preparación de cara ao Campionato de Europa de Noruega e Dinamarca 2020 (Women´s EHF Euro 2020). Esa cita deportiva está previsto que teña lugar do 3 ao 20 de decembro, manténdose así a data prevista para o europeo. Así o confirmou a Federación Europea de Balonmán a través de un comunicado.
As deportistas, entre das que está a galega Alicia Fernández, están citadas o vindeiro domingo 27 de setembro na Estación de RENFE de Barcelona Sants para o seuposterior traslado ao Hotel Granollers, donde permanecerán concentradas ata o domingo 4 de outubro.
Viver mantén así na súa totalidade o bloque de deportistas que se proclamaran subcampionas ado Mundo en Japón 2018. A gran novidade é Lysa Tchaptchet. A pivote, que unha semana antes traballará co grupo do ‘Objetivo 2021’, gozará da súa primeira concentración coas Guerreras ás ordes de Carlos Viver, que premia deste xeito o seu traballo no Balonmano Elche, neste inicio de tempada.
Lista de Guerreras convocadas:
- Portaría | Silvia Navarro (Rocasa Gran Canaria), Mercedes Castellanos (Rincón Fertilidad Málaga), Nicole Wiggins (KH-7 Granollers)
- Central | Alicia Fernández (Ramnicu Valcea), Ana Isabel Martínez (Balonmano Elche)
- Lateral Dereito | Almudena Rodríguez (CS Gloria Bistrita), Mireya González (Ramnicu Valcea)
- Lateral Esquerdo | Alexandrina Cabral (CSM Bucarest), Lara González (ESBF Besançon), Nerea Pena (Siofok KC),
- Extremo Dereito | Carmen Martín (CSM Bucarest), Marta López (Ramnicu Valcea)
- Extremo Esquerdo | Jénnifer Gutiérrez (Borussia Dortmund), Soledad López (Rincón Fertilidad Málaga)
- Pivote | Ainhoa Hernández (Zubileta Evolution Zuazo), Kaba Gassama (KH-7 Granollers), Lysa Tchaptchet (Balonmano Elche)
