Traballada e sufrida vitoria das Guerreras que adestra José Ignacio Prades no arranque da Main Round do Campionato do Mundo de Balonmán Feminino 2021 ante Xapón (28:26; 15:15 ao descanso), no Palacio dos Deportes de Torrevieja. A Selección española consegue deste xeito facerse con dous puntos vitais de cara á clasificación para os cuartos de final da cita mundial.
José Ignacio Prades, adestrador da Selección Española e do Atlético Guardés: “A dificultade era máxima, era moi importante empezar con boas sensacións e dous puntos na marcadora para poder optar ante Croacia a clasificarnos directamente para cuartos de final”
Ademais de que o equipo español está adestrado polo técnico do Atlético Guardés, José Ignacio Prades, nas súa filas está Paula Arcos e Alicia Fernández. Ante Xapón a primeira anotou 2 goles e a de Valdoviño, 3.
“España sufriu durante os 60 minutos, especialmente en labores defensivos, onde non se atoparon cómodas en ningún momento. Por contra, Silvia Navarro estivo providencial en portaría e a súa actuación foi fundamental para que o combinado español conseguise marcharse ao descanso con empate no luminoso (roldou o 50% só na primeira metade, 32% en total)”, conta a Federación Española de Balonmán.
, . – @AinhoaHperchis
¡Mirad cómo lo celebra @SilviNavarro16!#SheLovesHandballpic.twitter.com/jaAboWg4xC
— RFEBalonmano (@RFEBalonmano) December 9, 2021
As numerosas perdas de balón (até 15 en total) e as dúbidas no xogo provocadas pola velocidade nos movementos das xaponesas lastraban o xogo fluído das Guerreras, que sufrían sobre todo as internadas da extremo esquerdo, Hikaru Matsumoto. Xapón, paciente na ofensiva, buscaba a superioridade numérica con relativa facilidade e acerto, o que resultaba tedioso para as anfitrioas.
Tras o descanso non desapareceron as perdas de España, pero reapareceron as axudas e o movemento de pernas en defensa, o que axudou a que, aos poucos, as Guerreras impuxesen unha mínima vantaxe no marcador. A desenvoltura e o talento de Paula Arcos e Alexandrina Barbosa, atentas nas intercepciones de balón, e a calidade nos movementos e definición de Maitane Etxeberria foron clave nos últimos compases do duelo ante as nipoas. Non en balde a xogadora guipuscoana foi elixida mellor xogadora do partido.
Mundial @SheLOVsHandball
Main Round – J.1
⏱️ 60′ – Final
España 28:26 Japón
Palacio de los Deportes @TorreviejaAyto
@teledeporteSe ha sufrido, ¡pero se ha ganado! ¡Un paso más cerca de cuartos de final equipo! ¡BRAVO!
#️⃣ #Guerreras #SheLovesHandball pic.twitter.com/ag5WX3H4r4
— RFEBalonmano (@RFEBalonmano) December 8, 2021
José Ignacio Prades: “O equipo demostrou interese, ambición e fame por gañar”
Finalizado o encontro ante o combinado nipón, o seleccionador español, José Ignacio Prades, destacou que “a dificultade era máxima, era moi importante empezar con boas sensacións e dous puntos na marcadora para poder optar ante Croacia a clasificarnos directamente para cuartos de final”.
O técnico español ha sinalado que “a clave é seguir mellorando partido a partido, quizais sen números tan brillantes como en encontros anteriores, pero o equipo mostrou interese, ambición e fame por gañar”.
️ ¡Primer análisis tras el triunfo de las #Guerreras ante Japón en el Mundial @SheLOVsHandball!
️ @joseignacioprad: “El equipo ha mostrado interés, ambición y hambre por ganar”
️ @ShandyBarbosa86: “Estamos muy contentas con este resultado”#SheLovesHandball
— RFEBalonmano (@RFEBalonmano) December 9, 2021
Cos dous puntos obtidos ante Xapón e a falta de disputarse os dous últimos partidos previos ás eliminatorias, España lidera o Grupo IV con 6 puntos por diante de Brasil grazas á diferenza de goles favorable (+30) que manteñen. Ás Guerreras só failles falta un punto para acceder aos cuartos de final e buscarano ante o seu próximo rival: Croacia (venres, 20:30h.)
