Non sen traballo e esforzo, as Guerreiras Laranxas do Burela colleitaron un empate na visita que a AD Alcorcón FSF fixo á cancha de Vista Alegre (3-3). O punto estivo avalado polo xogo de cinco cun recta final de infarto na que o gol que puxo as táboas chegou a tan só 47 segundos para que soase a bucina. O terceiro das locais asinouno Jane.
ARRIVA MUJER| 📢💜
Sumamos el “Tú también eres la mejor del mundo” de @burelafs a nuestro “Tu destino lo eliges tú”
Juntas, uniendo fuerzas 💛🧡
➡️ Cada una elige su destino para ser la mejor del mundo.#ArrivaMujer #GuerreirasLaranxas #CorazónAmarillo pic.twitter.com/gYhGPPVytp
— A.D. Alcorcón F.S.F. (@ADAlcorconFSF) March 19, 2021
O santuario mariñán foi escenario dun gran espectáculo do cinco contra cinco feminino no que as imprecisións nos últimos metros castigaron un pouco ao Pescados Rubén Burela. Tras a estrea do luminoso por parte das galegas superado o descanso, as oleiras souberon tomar igualar e tomar vantaxe. Con todo a aposta de porteira – xogadora fixo que chegase o 1-3. Así a esencia laranxa pelexou para conseguir o prezado empate en 19 segundos de ouro.
As futbolistas do Pescados Rubén Burela atoparon a súa intensidade habitual co inicio da segunda parte e tamén o premio da rede, póndose por diante, sen perdoar á contra, con Peque e unha perfecta definición de Cami.
Con todo, en tan só dous minutos, cumpríndose o 25 de xogo Alcorcón viu a igualada cun pase cruzado de Clau López ante a saída de Sandra Buzón. Nunha acción desafortunada das mariñás, no 28, o Alcorcón atopou a vantaxe, cun pase de Estela Cantero que sentenciou Luísa Ballesteros.
As Guerreiras Laranxas remontan até o empate
Tocou remar contra corrente por primeira vez para as Guerreiras Laranxas galegas, que buscaron o gol, aínda que con máis corazón que acerto, a pesar do dominio burelista. Con case cinco minutos por diante, Bea Mateos saltou á cancha mariñá para liderar o xogo de cinco das galegas.
As oleiras do Alcorcón atoparon o terceiro a porta baleira a falta de tres minutos e medio para que se escoitase en Vista Alegra a bucina final. Continuaron as burelistas insistindo no xogo de cinco con porteira – xogadora na cancha. Tentárono Cami e Luísa Mayara.
Nesta recta final do partido, as Guerreiras Laranxas tiraron da súa gran garra para non deixar escapar o partido; así Luísa Mayara estreou o seu cómputo persoal para o 2-3 a falta de un minuto e seis segundos e Peque fixo estalar á Bancada Laranxa con 47 segundos para a bucina, que chegou rozando o que podería ser o cuarto nas zapatillas de Jane.
As máis claras da primeira parte
Sandra Buzón despexou por partida dobre a primeira envelenada das oleiras que non chegou até o minuto 8, cun pé providencial ante Pepa e despois no rexeite de Vane Sotelo. As mariñás responderon inmediatamente coa segunda gran ocasión das locais. Foi Bea Mateos a protagonista do perigo; a balón parado. Jane, no 14, asistida por Luísa Mayara, e Cami, no 19 e en recuperación non puideron mover o electrónico.
RESULTADO. ESTADÍSTICAS | 🐥⚽️
Nuestro Primer Equipo empata a domicilio ante @burelafs para cerrar la primera fase 💪🏽
⚽️ @Ireene_16
⚽️ Ballesteros
⚽️ @Clauudialopez7Os dejamos las estadísticas de nuestras guerreras 📈📉#CorazónAmarillo pic.twitter.com/uettm6FqlI
— A.D. Alcorcón F.S.F. (@ADAlcorconFSF) March 19, 2021
FICHA TÉCNICA
PESCADOS RUBÉN BURELA FS: Sandra Buzón, Dany, Peque, Cami e Luísa Mayara – quinteto inicial -. Tamén xogaron: Ale de Paz, Jane, Bea Mateos, M. Cortés, Elena Aragón e Lara Balseiro.
AD ALCORCÓN FSF: Estela, Aída de Miguel, Estela Cantero, Irene Samper e Vane Sotelo – quinteto inicial -. Tamén xogaron: Laura Oliva, Clau López, Luísa Ballesteros e Pepa.
GOLES: 1-0, minuto 23, Cami; 1-1, minuto 25, Clau López; 1-2, minuto 28, Luísa Ballesteros; 1-3, minuto 37, Luísa Ballesteros; 2-3, minuto 39, Luísa Mayara; 3-3, minuto 40, Peque.
ÁRBITROS: Miguel Lucas e Montero Galán. Amonestaron con cartón amarelo pola AD Alcorcón FSF á futbolista galega Vane Sotelo (minuto 29), así como a Pepa (minuto 32) e tamén a Estela Cantero (minuto 34).
INCIDENCIAS: Partido correspondente á décima xornada de liga na Primeira División Feminina do Fútbol Sala da RFEF. O encontro foi disputado na cancha de Vista Alegre no concello de Burela.
