As Guerreiras do Pescados Rubén Burela retomarán a liga este sábado, 7 de febreiro ás 18.00 horas, na pista do Universidad de Alicante, estreando a segunda volta na xornada 13. Farano un mes despois do seu último choque e con tres partidos aprazados por confinamento laranxa. A cita poderá seguirse na plataforma Vértice da UA.
Despois do seu último atopo o 9 de xaneiro, co título revalidado de Supercopa de España en Burela e co galardón de Mellor Club Feminino de FutsalPlanet, o cadro de Julio Delgado puido viaxar, aínda que minguado de efectivos, entre as lesións de longa duración e as xogadoras que aínda non puideron reincorporarse á dinámica de grupo polo illamento domiciliario.
“Foron unhas semanas raras, pero traballamos moito, aínda que con poucas xogadoras” reflexionaba unha das últimas novidades das filas mariñás, Jane, na súa volta ao equipo como reforzo de inverno: “Estou moi contenta de poder volver estar co meu equipo, de poder volver xogar”, explicaba a 11 burelista, que xa puido estrear a tempada 2020-21 con oitavos da Copa da Reina fronte ao Ence Marín Futsal (2-5) o pasado 7 de xaneiro.
Jane, fútbolista do Burela FS: “Foron unhas semanas raras, pero traballamos moito, aínda que con poucas xogadoras”
O conxunto galego, que segue liderando o Grupo B da Primeira División Feminina do Fútbol Sala da RFEF con 22 puntos, poderá abrir por fin a segunda volta da primeira fase tras os aprazamentos de Alcorcón, Intersala e Móstoles.
Para o Universidad de Alicante tamén será unha cita de reencontro de sensacións coas pistas; recibirá as mariñás na sexta posición, con 12 puntos.
A deportista brasileira, Jane, admitía as ganas de competir que hay no plantel da Mariña: “Todas estamos con moitas ganas, estaba faltando esa emoción da competición. Por fin chegará o sábado”
“Todas estamos con moitas ganas, estaba faltando esa emoción da competición. Por fin chegará o sábado” confesaba a brasileira Jane. “Creo non vai ser un partido nada doado, os dous chegamos tras varias semanas sen competir. O noso obxectivo son os tres puntos; quizais non sexamos o Pescados Rubén habitual, pero saberemos adaptarnos á situación coa que viaxamos” explicaba a brasileira, unha das catro internacionais laranxas (xunto a Jozi, Dany e Cami) que ía representar á Canarinha nos duelos fronte a España (con Peque e Ale), que foron suspendidos polas últimas restricións de voos internacionais decretadas polo Goberno.
A última sesión da semana realizouse xa en destino. A expedición Pescados Rubén Burela FS está composta por: 1. Jozi, 3. Dany, 4. Sandra Buzón, 7. Peque, 8. Cami, 10. Lara Balseiro, 11. Jane, 17. Ale de Paz, 19. Elena Aragón
O Burela defenderá o seu trono da Copa da Raíña
Esta semana completáronse os billetes dos oito equipos que afrontarán os cuartos de final de Copa da Raíña neste curos. Esa rolda que se levará a cabo nunha mesma sede a partido único, está previsto que se dispute entre os días 30 de abril e o 2 de maio de 2021.
As Guerreiras Laranxas defenderán o seu trono de raíñas de Copa nunha fase final que integrará os cuartos, as semifinais e a gran final.
- Femesala Castelló CFS 0-2 Penya Esplugues
- Sala Zaragoza 1-3 Intersala Promesas
- CFS Feminino San Fernando 1-6 Torreblanca Melilla CF
- STV Roldán FS 1-3 Universidad
⚔️ ¡Concluyen los octavos de final de la #CopaDeLaReinaFutsal!
⚽️ @PenyaEsplugues
⚽️ @SalaInter
⚽️ @TorreblancaFS1
⚽️ @UAfutsafemenino
⚽️ @futsi_atletico
⚽️ @burelafs
⚽️ @OUenvialiaFSF
⚽️ @ADAlcorconFSF¡Enhorabuena por vuestro pase! 👏
📸 (ISO100) pic.twitter.com/l17ycPUtvm
— RFEF Futsal (@SomosFutsal) February 4, 2021
