O Atlético Guardés competirá na segunda rolda de clasificación da EHF European League e xa ten rival. O Hypo Niederösterreich austríaco será o contrincante das galegas.
Este equipo é un vello coñecido, ao que o conxunto de José I. Prades xa se enfrontara na mesma rolda da European Cup no 2018.
O partido de ida disputarase na localidade austríaca de Maria Enxzersdorf o 16 de outubro, unha semana despois, a volta xogarase na Sangriña o día 23. Esta é a mesma orde que hai tres anos, cando o Guardés remontou no Inferno cun 28-22, a derrota en terras austríacas, dun 22-20.
O Hypo Niederösterreich -abreviado, Hypo NÖ- é un histórico do balonmán europeo. Segundo apuntan desde o club galego, o seu rival levantou ata oito Ligas de Campións na década dos anos 90, entre o 89 e o 2000.
Adeais, domina a liga do seu país, con 42 títulos. Porén, o contrincante do Guardés non levanta unha copa nacional desde o 2018.
