Cara e cruz na xornada 14 da Liga Guerreras. O Atlético Guardés gañou o primeiro asalto ante o Aula Alimentos de Valladolid. Non quedará aquí porque volveranse a ver as caras na Challenge Cup na próxima semana. O Conservas Orbe Porriño perdeu na casa. Un único gol de diferenza interpúxose entre as locais e o Balonmano Salud Tenerife.
O entroido tamén estivo presente na Sangriña
O Mecalia Atlético Guardés xa ten o primeiro as baixo a manga. Saben moi ben como xoga o Aula Alimentos de Valladolid. E o primeiro asalto xa o teñen máis que sentenciado. Impuxéronse na Sangriña a golpe de Carnaval, te quiero cantando polas peñas guardesas , cun electrónico de 29 a 21 as vallisoletanas.
Antes de que dera comezo o partido, Carmen Campos, recibiu o seu galardón por ‘Guerrera Iberdrola’ acadado na xornada anterior. O Guardés poñía en marcha o balón, intentando buscar rápidamente o gol. Foi ata o primeiro minuto que Cristina Barbosa adiantaba as locais: 1 a 0.
O Aula Valladolid intenta tamén subir un gol ao luminoso, pero a verdade que a gardameta guardesa, Marisol Carratu, e os erros non llo poñían nada doado. Das mans de Rosario Urban saía o segundo para as locais.
O bo xogo e a defensa das locais poñíanllo moi difícil as vallisoletanas. Souberon onde apertar e conseguiron subir dous ao electrónico. Cando parecía que están máis preto, de novo o Guardés apareceu para perforar a portería das máns de Carmen Campos. Parecía que as do Valladolid iban a igualar o encontro pero de novo o Guardés púxose por diante cun parcial de 0 a 4. Ata que no 8 a 3, o técnico rival, Miguel Á Peñas, tivo que pedir un tempo morto para intentar encamiñar as súas xogadoras. As tornas continuaron da man das locais, o que permitiu que marcharan ao descanso, cun 13-8.
O cadro de A Guardia tiña as pedras xa postas. Tralo tempo de lecer endousaron un 4 a 0 de parcial. O que fixo que novamente o adestrador visitante pedira tempo morto. Esta segunda metade acabaría coa mesma lectura que a primeira. E, polo tanto, este primer asalto entre galegas e castelás decantaríase polas primeiras cun electrónico final de 29 a 21.
A próxima semana, a xornada 15 xogarase por semana. O Guardés viaxará ata o pavillón insular Antonio Moreno para enfrontarse ao Rocasa Gran Canaria. Ademais non quedará ahi posto que o fin de semana será o segundo asalto ante o Aula Alimentos. Desprazaranse o domingo 1 de marzo para disputar a ida da Challenge Cup no pavillón Huertas do Rey.
FICHA TÉCNICA
MECALIA ATLÉTICO GUARDÉS: Meriem Ezbida, África Sempere, Sandra Marquez, Martina Cecilia, Carmen Campos, Lorena Pérez, Sara Bravo, Estefanía Descalzo, Paulina Pérez, Patricia da Silva, Cristina Barbosa, Rosario Urban, Sara Valero, Carla Gomez, Marisol Carratu e Yamila Michelle Mello.
AULA ALIMENTOS DE VALLADOLID: Carmen Sanz, Elba Álvarez, Beatriz Puertas, Iara Grosso, María González, Lourdes Guerra, Agustina López, Mireia Diez, Joana Bolling, Teresa Álvarez, Sara Moles, Yunisleidy Camejo, Elena Cuadrado, Rafaela Taide e Marina del Castillo.
MARCADOR CADA 5′: 2-0, 4-2, 6-3, 8-4, 12-7, 13-8, 17-8, 17-10, 18-12, 22-12, 25-16, 29-21.
ÁRBITROS: Raúl Oyarzun e Aritz Zaragueta
INCIDENCIAS: Partido correspondente a xornada 14 da Liga Guerreras Iberdrola de balonmán no que enfrontou ao Mecalia Atlético Guardés co Aula Alimentos de Valladolid no pavillón da Sangriña.
O Conserva Orbe Porriño perde por un gol
O primeiro paso para permanencia xogábase en Porriño. As galegas loitaron ata o asubío final pero non poido ser. O Conservas Orbe Porriño perde por tan só un gol (19-20) ante o Balonmano Salud Tenerife nun partido onde as figuras claves recaeron nas porteiras tanto locais como visitantes.
A primeira metade estaría marcada polas accións das porteiras. Tanto Fátima Ayalen e Irene Sánchez foron un gran muro para ambos equipos. Nos primeiros minutos o Salud Tenerife dominou a posesión do partido.
Pero rapidamente as tornas cambiaron grazas as mans de Ana Cerqueira e Fátima Sisse. A igualdade se prosumía máxima ata o final. Pero novamente Aitana Santomé adiantaba ao conxunto local. As de Isma Martínez atoparon o seu bo xogo e estiveron moi cómodas con vantaxes de dous e tres goles no marcador ata os dous últimos minutos.
Tiveron dous pequenos erros que as canarias souberon aproveitar moi ben. A tan só 23 segundos cun 11 a 10 no marcador, o técnico porriñense parou o partido cando tiñan a posesión para facer a estratexía perfecta e marchar ao tempo de lecer dous por diante. A oportunidade escapou e novamente volveuse a deter o encontro por parte do adestrador rival. As porriñenses fixeron unha boa lectura na defensa e conseguiron marchar cun 11 a 10, sendo un resultado curto.
A segunda metade comeza como a primera. Cunha gran parada baixo os paus de Fátima. Tería tamén a mesma lectura do tempo anterior. Pero novamente, as accións baixo a porteria de Fátima daría moitas ledicias ao plantel porriñense. A gardameta fixo moitos paradons e as súas compañeiras intentaron remontar o encontro. Nos últimos segundos tiveron a xogada do empate pero deu no pau. Ao final, cun 19 a 20.
Pola contra, o Porriño poderá descansar ata o sábado 29 de febreiro. Terá unha cita algo complicada posto que desprazarase ata o polideportivo municipal Bidebieta para enfrontarse ao Super Amara Bera Bera.
FICHA TÉCNICA
CONSERVAS ORBE PORRIÑO: Ana Cerqueira, Ana Alonso, Alicia Campo, Inés Hernández, Fátima Ayelen, Soraia Vieira, Aitana Santome, Andrea Dapena, Alba Dapena, Sarai Samartin, Sandra Fernández, Iasmin dos Santos, Anthia Espiñeira, Nagore Saenz, Fatima Sisse e Begoña Otero.
BALONMANO SALUD TENERIFE: Armelle Attingre, Judith Vizuete, Stephania Rayanne, Ángela Cioca, Lea Miriam, Eva Marquez, Irene Sánchez, Katarina Bojicic, Aina Fernández, Danae Miranda, Joana Fortuna, Magda Alfredo, Ines Rein e Agustina Jaen.
MARCADOR CADA 5′: 2-2, 3-3, 4-6, 7-7, 10-9, 11-10, 12-13, 14-13, 15-17, 17-18, 19-19, 19-20.
ÁRBITROS: Lorena García Gil e Tania Rodríguez Estévez.
INCIDENCIAS: Partido correspondente a xornada 14 da Liga Guerreras Iberdrola de balonmán no que enfrontou ao Conservas Orbe Porriño co Balonmano Salud Tenerife no pavillón municipal de Porriño.
