O Atlético Guardés ten esta semana a oportunidade de remontar a derrota na ida da segunda fase da Copa da Raíña. As galegas citaranse co Zuazo o mércores, ás 20:15 horas, en A Sangriña para disputar o partido ante o seu público. Xóganse estar en Telde.
No primeiro duelo, o conxunto dirixido por Prades caeu por un 27-24, polo que superar os tres goles de diferenza será o obxectivo das irmandiñas.
De reto en reto. Así se pasa a vida o Atlético Guardés, que mañá, mércores 7 de abril, deberá gañarse a súa presencia na fase final da XLII Copa de SM a Raíña que do 21 ao 23 de maio dispútase en Telde. O equipo que adestra José Ignacio Prades, xa apeado da EHF European Cup, afron-ta a volta da segunda fase copeira co resultado adverso da ida: 27-24, no Polideportivo Municipal de Lasesarre de Barakaldo (Bizkaia), ante o Zubileta Evolution – Bm. Zuazo. A cita será na Sangriña ás 20:15 horas coa presenza de 200 afeccionados.
A viaxe de regreso de Málaga fíxose longo, polos quilómetros (ao non poder ir por Portugal debido ás restricións pola pandemia) e polo resultado. Así e todo, o bloque de xogadoras do conxunto galego non tiña moita marxe para o queixume.
Onte, luns 5 de abril, xa tocou entrenar, do mesmo xeito que hoxe, martes, e mañá pola mañá, mércores, o grupo terá unha sesión de activación de cara a un partido marcado en vermello no calendario.
“Sabemos da importancia do partido”, destaca o adestrador do Club Balonmán Atlético Guardés, José Ignacio Prades. E é que a ninguén, como se adoita dicir, lle amarga un doce e para todos os equipos é ilusionante disputar o torneo do ko.
“O BM Zuazo tamén quere estar na Copa, así que non só será unha disputa dentro da pista”, explica o técnico do equipo da Guarda consciente da importancia do ánimo e da ambición para poder facerse con a eliminatoria.
Botando a vista atrás, José Ignacio Prades sostén que no encontro de ida disputado en Lasesarre “tiveron ese punto de ambición que nos faltou a nós”. Deste xeito se lamentaba o adestrador do equipo galego, lembrando o 27-24 colleitado naquela data.
José Ignacio Prades, adestrador do Atl. Guardés: “Preparamos o partido con moitísima delicadeza e mimo, como se debe de tratar este tipo de partidos. Pero sabemos que será difícil: Zuazo pelexará até o final”
“Preparamos o partido con moitísima delicadeza e mimo, como se debe de tratar este tipo de partidos”, conta na previa do partido contra do Zubileta Evolution – Bm. Zuazo o adestrador do Atlético Guardés. Con todo, José Ignacio Prades vaticina que non será en absoluto doado plantalle guerra as rivais desta cita copeira. “Sabemos que será difícil: Zuazo pelexará até o final”, prognostica.
Sen baixas no Club Balonmán Atlético Guardés para este partido
Por parte das galegas todas as xogadoras están dispoñibles para este novo reto que se vivirá na Sangriña a partir das 20:15 horas e con público. Polo que, aínda que restriccións de aforo por mor da pandemia de COVID-19, o Inferno da Sangriña poderá arder para quencer os ánimos das xogadoras locais e aupalas ao trunfo neste partido.
O cruce corresponde á volta da segunda fase da XLII Copa de SM a Raíña entre o Club Balonmán Atlético Guardés e o Zubileta Evolution – Bm. Zuazo. Arbitrarán a cita os colexiados: Lucas Crespo Gómez e Pedro Eiras Abalde, ambos os dous pertencentes ao colexio galego de árbitros.
O cruce, entre as de A Guarda e as do barrio de Zuazo na localidade bizcaína de Barakaldo vaise poder seguir en vivo en liña a través do streaming ofrecido pola canle de YouTube do Atlético Guardés:
