- Ao Mecalia Atlético Guardés non lle freou o cansazo que arrastraba da Summer BAG e conquistou a Supercopa de Galicia
O Mecalia Atlético Guardés gañou con contundencia ao Conservas Orbe-Rubensa BM Porriño (31-23) na final da Supercopa de Galicia 2023 no Gatañal. Tras dous días xogando o torneo Summer BAG Experience 2023 na localidade leonesa de Villacelama, o conxunto miñoto viaxou a Cangas para disputar o seu último partido da pretemporada e proclamarse claro vencedor.
O derbi do balonmán galego feminino comezou moi igualado durante os 10 primeiros minutos, con efectividade en ataque por parte de ambos os equipos e pouco acerto en defensa. A pivote María Palomo impulsou ao Mecalia ao comezo do encontro, da man de Cecilia Cacheda. África Sempere, Itziar Martínez e Ania Ramos tamén foron fundamentais para que o Mecalia Atlético Guardés conseguise unha vantaxe de dous goles (9-7) no minuto 14. A pesar de que ao conxunto miñoto custoulle máis tempo finalizar os seus ataques, a súa eficacia para portería materializouse nun 14-10 ao descanso.
O Guardés aumentou renta na segunda parte
A distancia fíxose maior na segunda parte. Míriam Sempere se convertió nun auténtico muro detendo os lanzamentos do equipo que adestra o técnico galego Ismael Martínez. O Mecalia Atlético Guardés fíxose co partido, xogou comodamente e logrou unha vantaxe de seis goles antes de chegar ao minuto 40.
A superioridade do Mecalia Atlético Guardés foi crecendo a medida que avanzou o envite. Cristina Cabeza aproveitou para facer rotacións e dar así minutos a Sandra Radovic, que ingresou na pista nos últimos 5 minutos, así como a xuvenís Carmen Magallanes e Ángela Portela.
O encontro finalizou con vitoria para o Mecalia Atlético Guardés por 31-23. Míriam Sempere foi a MVP deste derbi do balonmán feminino galego previo ao inicio de competición na Liga Guerreras Iberdrola de ambos os dous equipos.
