A European Handball Federation (EHF) notificou ao Club Balonmán Atlético Guardés que accede directamente ao Last 16 da EHF European Cup, a terceira competición continental.
Esta decisión do organismo europeo vén motivada polas restricións das autoridades suízas. O escrito da EHF lembra que tras o sorteo realizado o 20 de outubro, Atlético Guardés e LK Zug deberían disputar os dous partidos da eliminatoria correspondente á Rolda 3 da EHF European Cup os fins de semana do 14-15 e 21-22 de novembro.
Nos últimos días, o club suízo trasladou tanto á EHF como ao club galego todos os seus condicionantes ata que esta semana chegou o pronunciamiento oficial da federación europea.
A obrigatoriedade de corentena para o equipo suízo ao seu regreso de España era un escollo insalvable para xogadoras e corpo técnico do conxunto.
En consecuencia, a EHF determina que ambos os partidos non se disputen e o equipo de José Ignacio Prades acceda directamente á seguinte rolda á vez que lamenta “esta situación, especialmente polo club suízo” e apunta que “o actual desenvolvemento das restricións ao redor do COVID-19 non deixaban opcións a outra solución”.
O partido aprazado coa Aula será o 21 de novembro
Unha vez coñecida a decisión da EHF, a Atlético Guardés e a Aula Alimentos de Valladolid acordaron que o partido aprazado correspondente á Xornada 5 da liga Guerreras Iberdrola emprácese ao sábado 21 de novembro ás 19 horas na Sangriña.
