- Iván Vázquez, novo preparador físico do Guardés: “Comeza un proxecto moi interesante”
Mecalia Atlético Guardés ten novo preparador físico. Iván Vázquez será o encargado de poñer a punto ás xogadoras para que dean o mellor de si fisicamente durante esta tempada 2023/2024. Incorpórase ao corpo técnico do primeiro equipo liderado pola adestradora Cristina Cabeza, do que tamén forma parte a técnica lusa Ana Seabra, que rematou á fronte do banco a tempada pasada. Vázquez toma a substitución de João Mesquita.
Iván Vázquez ten 25 anos e é de Redondela (Pontevedra). Graduado en Ciencias da Actividade Física e do Deporte, o novo preparador do Mecalia Atlético Guardés leva toda a súa vida vinculado ao balonmán e, nos dous últimos anos, intensificou o seu labor como preparador físico traballando de forma específica con varios xogadores.
Iván Vázquez: “Comeza un proxecto moi interesante”
“Estou con moitas ganas de empezar”, confesa Vázquez, que se mostra moi agradecido e ilusionado coa oportunidade que lle brinda o club. O novo preparador fai fincapé en que traballará da man cun equipo “moi competitivo”. Nas súas palabras, este novo curso “comeza un proxecto moi interesante”.
