Dous puntos máis e segunda posición para o Atlético Guardés. As galegas venceron pola mínima ao Rocasa Gran Canaria (26-27), dominando ao longo do encontro, pero sufrindo ata o último minuto. Con esta vitoria, as de José I. Prades están xa máis preto de clasificarse para a competición europea para a próxima tempada.
Nesta recuperación da segunda xornada do grupo polo título, o Guardés desmarcouse no ecuador do duelo, pero as canarias apretaron forzando o empate en dúas ocasións, e as galegas responderon salvando o partido nos últimos minutos.
Primeira metade igualada
Nos primeiros trinta minutos, nin locais nin visitantes eran capaces de facerse co control do partido. Cada tanto do Guardés tiña no Rocasa a súa resposta, chegando a realizar un parcial 3-0. Porén, da man de Buforn e Santiago, o equipo de Prades repúxose do golpe.
Cun vaivén de puntos, o duelo non saía das táboas, ata o punto de inflexión. O Rocasa, atascadono ataque posicional, seguía metido no partido aproveitando que o Guardés non lograba destacar. Todo cambiou con Martina Mazza e Rosario Urban. A finalización da extremo zurda cunha acertada vaselina e dous tantos consecutivos da arxentina deron a primeira vantaxe considerable para as galegas (11-14).
Cun tempo morto de Prades e un gol de Urban, quen remataría con 6, as visitantes mantiveron a súa distancia de tres puntos para o tempo de descanso (12-15).
O Guardés sufriu na segunda parte
Na volta á pista, tras a reanudación do partido, o Guardés aproveitou a superioridade pola exclusión de Alba Spugnini, endosando dous tantos máis e aumentando a súa renda a cinco goles.
Véndose en inferioridade, Carlos Herrera, adestrador do Rocasa, solicitou un tempo morto para facer reaccionar ás canarias. O Rocasa, entón segundo na Liga Guerreras no grupo polo título, viu a súa oportunidade de manterse forte na loita polo campionato.
Con esta motivación, as locais realizaron un parcial 4-0, aproveitando a exclusión de Arcos. De novo, o empate ameazaba o marcador, e co 18-19 saltaron as alarmas no Guardés.
Prades parou o reloxo e confiou a Patrícia Lima o mando de xogo. Ana Palomino, quen deu relevo a Silvia Navarro baixo paos, fixo algunha parada, contrarrestada por Carratú na área contraria. Coa igualadade marcando o encontro, cada detalle volveuse trascendental.
Do 20-20 pasouse ao 20-22, pero a exclusión a Descalzo e varios lanzamentos fallados permitiron que o Rocasa se achegara de novo, poñendo o 23-23. O Guardés era incapaz de desmarcarse, pero colleu a batuta e xa non a soltou.
A falta de dous minutos e catorce segundos, o electrónico advertía do igualado 24-27, co partido aínda aberto Despois dun tempo morto local, Trojaola puxo o 25-27, pero o Guardés consumiu un minuto do tempo entre golpes francos. O último gol local non chegou con tempo suficiente para a remontada, e o empate xa non era unha opción.
Pola mínima, as xogadoras do Baixo Miño sumaron dous puntos importantísimos. Pensando xa na seguinte xornada, o venres o plantel partirá a Elche, para disputar o sábado a quinta semana competitiva.
FICHA TÉCNICA
26) ROCASA GRAN CANARIA (12+14): Melania Falcón (1), Iara Grosso (2), Arinegua Pérez, Paula Valdivia, Agni Zygoua (2), Alba Spugnini (3), Saynabou Mbengue (2), Haridian Rodríguez (5), Silvia Navarro, María Gomes (5), Ana Belén Palomino, Tiddara Trojaola (4), María González (1), Mizuki Hosoe (1), Adriana Marksteiner e Yuli Dacil Quevedo.
27) CLUB BALONMÁN ATLÉTICO GUARDÉS (15+12): África Sempere, Sandra Santiago (2), Martina Mazza, Lorena Pérez (2), Estefanía Descalzo, Miriam Sempere, Paulina Pérez (5), Patrícia Lima (5), Rosario Urban (6), Paula Arcos (3), Sarah Valero (3), Carla Gómez (1), Marisol Carratú e Erika Rajnohová.
RESULTADO CADA CINCO MINUTOS: : 3-2, 5-4, 7-6, 9-9, 11-11, 12-15, (descanso), 14-17, 18-20, 20-21, 21-23, 23-24, 26-27.
ÁRBITROS: Fernanda Espino Guerra e Víctor Navarro Barquero (Canarias). Excluíron nas locais a Alba Spugnini e nas visitantes a Martina Mazza, África Sempere, Paula Arcos e Estefanía Descalzo.
INCIDENCIAS: Partido correspondente á xornada 2 do Grupo polo título da Liga Guerreras Iberdrola disputado no Pabellón Insular Antonio Moreno a puerta cerrada.
