Cara e cruz na Copa da Raíña. O Mecalia Atlético Guardés estará na fase final da competición que se celebra en Alhaurín de la Torre, en Málaga, do 24 ao 26 de Abril. Impuxéronse ao Balonmano Salud Tenerife na volta por un contundente 30 a 15. O mal sabor de boca quédanos na man do Conservas Orbe Porriño. Tiñan unha eliminatoria moi complicado posto que debían de remontar 10 goles. Na primeira metade estiveron moi metidas no partido pero na segunda o Liberbank adiantouse rapidamente.
O Conserva Orbe Porriño cae da Raíña
Segunda vez consecutiva. O Conserva Orbe Porriño perde por un 29 a 21 no pavillón de La Arena ante o BMC Liberbank Gijón. O primeiro tempo estivo marcado polo xogo porriñense ata que no descanso firmaron un 14 a 14 no electrónico. Os seguintes trinta minutos, as galegas baixaron o ritmo e o seu adestrador, Isma Martínez, intentou repartir os minutos entre todas as súas xogadoras.
Durante toda a primeira parte, o conxunto porriñense dominou o partido a pesar da igualdade que mantiña coas xixonesas. Soraia e Fátima intentaron elevar o marcador a favor do Conserva Orbe impoñendo unha renda máxima de catro puntos cun 9 a 13. Aproveitaron moi ben que as locais se quedaran sin unha menos trala expulsión de dous minutos dunha das xixonesas. Ao ver que o seu equipo non subía ningun tanto o electrónico, o adestrador local pediu tempo morto para encamiñar as súas xogadoras. A seca desapareceu e causou nas galegas unha pequena baixa de rendemento na que fixo que Martínez pedira tempo morto. Ao descanso firmaron un 14 a iguais.
“A segunda parte vendo que era imposible a remontada repartimos os minutos entre as xogadoras. Intentamos que descansaran sobre todo Soraia e Fátima posto que estiveron moi ben de cara a portería. Non nos saíu ben sobre todo a nivel ofensivo e ao final baixamos atrás. Sabíamos que ía a ser unha semana dunha carga importante por iso non forzamos con Alba Dapena e Anthia Espiñeira porque a próxima temos unha cita importante. Foron moi superiores e reducimos a precaución”, comentou Isma Martínez, o adestrador do Porriño, tralo final do partido para As Nosas.
Tralo paso polos vestiario, as tornas cambiaron por completo. As locais sairon moi fortes e as galegas non poideron volver a marcharse do marcador. Tamén houbo un tempo no que se quedaron sen porteira e isto ofreceu as locais adiantarse. Ao final acadaron a súa mellor vantaxe sobre as galegas firmando un 29 a 21 no asubío final.
FICHA TÉCNICA
BMC LIBERBANK GIJÓN: Raquel Álvarez, Nerea Nieto, Raquel Caño, Laura Rivas, Marizza Alejandra Faria, María González, Cecilia Cacheda, Debora Torreira, Estefanía Ruiz, Natalia Montilla, Lorena Aide Tellez, Aida Palicio, Giuliana Gavilán, Nerea Calbon, Lucía Alonso e Elisa Collado.
CONSERVAS ORBE BM PORRIÑO: Ana Cerqueira, Ana Alonso, Barbara Cerqueira, Alicia Campo, Inés Hernández, Fátima Ayelen, Soraia Vieira, Aitana Santome, Andrea Dapena, Sarai Samartin, Iasmin dos Santos, Nagore Saenz, Fatima Sisse e Begoña Otero.
MARCADOR CADA 5′: 2-2, 5-5, 8-7, 9-12, 13-14, 14-14, 15-17, 18-18, 20-18, 23-18, 26-21, 29-21.
ÁRBITROS: Jesús Escudero Santiuste e Jesús Álvarez Mendendez.
INCIDENCIAS: Partido correspondente á volta da segunda fase da Copa da Raíña no que enfrontou ao BMC Liberbank Gijón e o Conserva Orbe BM Porriño no pavillón de La Arena.
O Guardés acada o boleto a Málaga
Tras unha renta de un gol no partido de ida ante o Balonmano Salud Tenerife, aínda quedaba todo por definir para o Mecalia Atlético Guardés. A Sangriña iba a voltar a converterse nun forno para internatar que o seu equipo estivera na fase final do torneo que se disputa en Málaga. As guardesas tiñan claro o obxectivo. Desde os primeiros minutos saíron a por todas e así o demostraron marchando cunhas rentas moi amplias no electrónico. Ao descanso firmaban un 15 a 11. O descanso reforzou máis as locais para que a vantaxe seguira aumentando en 14 tantos. Ao asubío final, 30 a 15.
As forzas e as opcións do Tenerife tardaron pouco en desvanecerse na pista da Sangriña. O Guardés empezou cuns pasos e estrelando un sete metros contra o poste antes de que Paulina Buforn, á contra, abrise o marcador (1-0). A igualdade asinada por Cioca (1-1) foi un mero espellismo e desde os minutos iniciais as de Prades tomaron a iniciativa no xogo. Aínda aguantaron as insulars un par de accións máis (2-1, 3-1, 3-2, 5-3…) pero a dirección de Campos e o seu descaro cara a portería, o bo traballo en defensa e as accións de Marisol Carratú baixo paus empezaron a borrar da pista ao equipo de Octavio Pérez, esvaecido por completo e incapaz de parar o ataque local.
Primeiro foi un discreto máis dous, despois o máis tres… dez minutos sen anotar do Tenerife mentres o Guardés non perdoaba (13-7) e moito, moito traballo das galegas. Xa se escoitou aos afeccionados cantar o “África on fire” e “Que bonito é ver ao Guardés gañando de seis!” pero poucos cánticos e aplausos tiveron máis sentimento que os dedicados a Sarah Valero cando no minuto 18 entrou a pista para empezar a empregarse a fondo en defensa.
O Guardés gustábase, movía as súas pezas -todas contaron con minutos- e seguía mostrando bo rendemento e confianza. Nin o achegamento a catro e tres goles (15-12, 16-13) nos primeiros minutos do segundo acto trouxeron preocupación. Con moita seriedade volveron poñer o turbo e en equipo endosaron un contundente parcial de 10-0 en quince minutos (Min. 52, 26-13) para sentenciar a eliminatoria. Durante boa parte do encontro, as de Prades puideron xogar sen pasar apuros, con calma, notándose a frescura física e mental e o compromiso do grupo co obxectivo.
Todos os goles celebráronse con ímpeto, pero o da canteirá Cristina Barbosa e o gol de Sarah Valero no seu regreso tiveron o carácter máis especial dun partido no que só quedou sen anotar a pivote Carla Gómez. Acabouse con euforia e cun incontestable 30-15 que as xogadoras celebraron en coro. E non era para menos: o Guardés regresa a unha fase final de Copa dous anos despois.
FICHA TÉCNICA
MECALIA ATLÉTICO GUARDÉS: Meriem Ezbida, África Sempere, Sandra Marques, Martina Cecilia Mazza, Carmen Campos, Lorena Pérez, Sara Bravo, Estefanía Descalzo, Paulina Pérez, Patricia da Silva, Cristina Barbosa, Rosario Urban, Sara Valero, Carla Gómez e Marisol Carratu.
BALONMANO SALUD TENERIFE: Judith Vizuete, Lara Coello, Ángela Cioca, Lea Miriam Kofler, Adriana Chelaru, Eva Marquez, Irene Sánchez, Alicia Robles, Katarina Bojicic, Aina Fernández, Danae Miranda, Joana Fortuna, Magda Alfredo, Ines Rein e Agustina Jaen.
MARCADOR CADA 5′: 2-1, 7-4, 10-7, 13-7, 13-8, 15-11, 16-12, 18-13, 21-13, 25-13, 27-14, 30-15.
ÁRBITROS: Alejandro Hoz Fernández e Axel Riloba Pereda.
INCIDENCIAS: Partido correspondente á volta da segunda fase da Copa da Raíña no que enfrontou ao Mecalia Atlético Guardés e o Balonmano Salud Tenerife no pavillón de A Sangriña.
