O Atlético Guardés entra nos 22 equipos que disputarán a segunda rolda da EHF European League da vindeira tempada.
O club galego competirá na segunda división continental directamente na segunda fase, ao non celebrarse unha primeira neste ano. Desta forma, o equipo da Sangriña deberá superar dúas eliminatorias para acceder á fase de grupos.
A primeira delas terá lugar o 16 ou 17 de outubro, co partido de ida, e o 23 ou 24 do mesmo mes celebrarase a volta. O adversario do Guardés será un dos 21 equipos restantes designados pola EHF para esta rolda.
O sorteo celebrarase o 20 de xullo.
Os posibles rivais do Atlético Guardés na EHF European League
As galegas do Baixo Miño competirán con algún destes 21 clubs elixidos polo organismo europeo:
- TuS Natzinguen (Alemaña)
- Sola HK (Noruega)
- Zaglebie Lubin (Polonia)
- H65 Höörs HK (Suecia)
- Yalikavaksports Club (Turquía)
- Banik Most (República Checa)
- ZRK Bjelovar (Croacia)
- ZORK Jagodina (Serbia)
- Thüringer HC (Alemaña)
- Bera Bera (España)
- Tertnes Elite (Noruega)
- Perla Lublin (Polonia)
- Radnicki Kraguhevac (Serbia)
- MTK Budapest (Hungría)
- París 92 (Francia)
- CS Magura Cisnadie (Romanía)
- Kuban (Rusia)
- Blomberg-Lippe (Alemaña)
- Molde HK (Noruega)
- LC Brühl (Suíza)
