Mecalia Atlético Guardés e Conservas Orbe Ruben BM Porriño despediron na pasada fin de semana a primeira parte do campionato doméstico dun xeito ben diferente. Por unha parte, o conxunto miñoto deulle continuidade ao seu bo estado de forma cunha abultada vitoria fronte ao Salud Tenereife por 37-17, mentras que o BM Porriño segue sen sumar de dous e cae ante o KH-7 Bm Granollers.
O Guardés non perde de vista Europa
O Mecalia Atlético Guardés négase a darlle as costas á súa presenza europea no vindeiro curso e segue a alimentar o soño a base de vitorias e de bo xogo.
Logo do traspé a pasada xornada fronte ao Costa del Sol, as xogadoras dirixidas por José Ignacio Prades regresaban a unha Sangriña, que conta por triunfos todos os partidos alí celebrados neste ano 2022, coa firme intención de volver a reengancharse aos postos altos da táboa clasificatoria.
Recibían a un BM Salud Tenerife, penúltimo clasificado da Liga Guerreras Iberdrola, inmerso nun dos seus peores momentos da tempada logo de acumular unha única vitoria nos seus anteriores 10 encontros.
O conxunto miñoto, coñecedor da debilidade do seu rival, imprimiulle un alto ritmo aos compases iniciais da contenda e cando o reloxo a penas cumpría o cuarto de hora inicial xa dispoñía dunha cómoda vantaxe de oito tantos, asestándolle un 10-2 ás tinerfeñas.
Co correr dos minutos, o triunfo das locais seguiu en aumento grazas ao bo facer ofensivo de Sandra Santiago, protagonista por mor das baixas de Ángela Nieto e Lorena Pérez, e de Daniela Moreno, quen cos seus oito tantos foi elixida mellor xogadora da xornada ligueira.
⭐️ ¡@DanuMoreno88 (@Atlguardes_ofic), elegida #GuerreraIberdrola de la Jornada 13! 💚
👏 ¡ENHORABUENA!#SheLovesHandball
— Guerreras Iberdrola (@IberdrolaDHF) February 7, 2022
Foi clave tamén a seguridade baixo paus da bonaerense Marisol Carratú, firmando unha actuación antolóxica no primeiro tempo con 13 paradas e un extraordinario 56% de efectividade, que permitiron que as locais marchasen a vestiarios cun 18-6 no electrónico.
No segundo tempo, o conxunto adestrado por José Ignacio Prades permitiuse levantar o pé do acelerador e o técnico de Petrer aproveitou para darlle minutos ás xuvenís Aroa Fernández, Yaiza Alonso e Márian Alonso, que mesmo detivo unha pena máxima.
➕2️⃣ Final! Partido moi serio de todo o equipo.
🏆 @IberdrolaDHF
📆 Xornada 13
🤾♀️ @Atlguardes_ofic 🆚 @BalonmanoSalud
🔥 A Sangriña
⏱️ 60′
🔢 37-17
#onosoInfernoéonosoceo 🖤💛 pic.twitter.com/tanr3lj8gV— Mecalia Atlético Guardés (@Atlguardes_ofic) February 5, 2022
Con este triunfo, o Mecalia Atlético Guardés afiánzase na quinta posición con vinte puntos e permítese mirar de reollo cara os postos que dan acceso á clasificación continental, situándose a só tres puntos da segunda posición que actualmente ocupa o Unicaja Banco Gijón.
O BM Porriño navega á deriva en terra de ninguén.
O Conservas Orbe Rubensa BM Porriño segue sen dar coa tecla neste inicio de ano e suma unha nova derrota para despedir a primeira metade do campionato doméstico.
Malia comezar o ano cun triunfo en terras levantinas fronte ao BM Morvedre, as xogadoras dirixidas por Ismael Martínez non foron quen de volver acadar os dous puntos nin na Liga Guerreras Iberdrola, nin na Copa da Raíña, onde o seu bo facer na ida non lles foi suficiente para pasar de rolda ante o Aula Cultural.
O pasado sábado, o conxunto do Baixo Miño presentábase no Palau D´Esports de Granollers coa firme intención de porlle fin á mala dinámica que arrastraba desde a xornada inaugural de 2022 e espantar posibles pantasmas.
Logo dun inicio de encontro marcado polas imprecisións nas dúas puntas da pista, o BM Porriño logrou meterse de cheo no encontro chegando a liderar o electrónico en varios parciais da contenda grazas á fluidez ao contraataque e á solidez defensiva do 6:0 que plantexou desde o banco Isma Martínez.
Deste xeito, ambos equipos chegaron ao tempo de descanso cunha absoluta igualdade no xogo e cun axustado 16-15 a prol das catalanas. A segunda vitoria a domicilio da tempada era unha opción máis que real, e as xogadoras porriñesas non reservaron nada de cara á segunda metade.
Á saída de vestiarios, as visitantes volcáronse sobre a área rival, e da man de Mica Casasola e Aitana Santomé acadaron darlle a volta ao marcador aos dez minutos da reanudación do xogo. As urxencias por reforzar a retagarda levou ao técnico galego a cambiar o seu esquema a un 5:1 con Aitana na vangarda do ataque.
Non obstante, o poderío ofensivo das barcelonesas valeulles para retomar a súa vantaxe grazas a un parcial de 5-1 que o conxunto porriñés non foi quen de levantar. De este xeito, o partido chegou ao seu remate cun 36-29 final que non reflexa fielmente a igualdade entre ámbolos dous conxuntos.
Final do partido, a pesar da igualdade na maior parte do partido as nosas non suman os dous ansiados puntos‼️@BMGranollers 36🆚Conservas Orbe Rubensa Bm Porriño 29
📷 KH-7 Bm Granollers#LigaGuerrerasIberdrola pic.twitter.com/fHQO1YFGw7
— Club Balonmano Porriño (@BmPorrino) February 5, 2022
A vindeira xornada ligueira ambos conxuntos deberán desprazarse lonxe dos seus respectivos pavillóns para enfrontarse ao Aula Rural, no caso do Guardés, e ao Zuazo Barakaldo, no do BM Porriño. O conxunto porriñés inaugurará a xornada para os equipos galegos o venres ás 21:00 e as súas veciñas da Guarda farano un día despois ás 18:00 horas.
