Esta semana o Atlético Guardés tiña previsto disputar a eliminatoria da segunda fase da Copa da Raíña co Zubileta Evolution Bm. Zuazo, algo que finalmente non poderán facer ao detectar o club zuazotarra un positivo en COVID-19 nas súas filas.
Os partidos de Copa, prevista a ida para este mércores, 27 de xaneiro, en Barakaldo e a volta, para este sábado, 30 de xaneiro, en A Guarda, deberán adiarse. Ambos equipos dispoñen ata este xoves, ás 10:30 horas, para acordar unha nova data e hora para completar a eliminatoria.
Tal e como informan desde o Guardés, o plantel do rival deberá pasar unha corentena de dez días, o que lles impide xogar. Desta forma, o Comité Nacional da Competición da Real Federación Española de Balonmano xa notificou o aprazamento dos duelos de Copa.
Desde o club galego aproveitan o comunicado para mandarlle os seus ánimos e unha mensaxe de pronta recuperación á xogadora afectada do Club Balonmano Zuazo.
#CopaReina2021 🏆 | El CNC acaba de notificar el aplazamiento de los dos partidos de la eliminatoria correspondiente a la segunda fase con el @CbmZuazo.
En los próximos días, tendremos nuevo calendario 📅
Mucho ánimo a la jugadora afectada, ojalá quede en un caso aislado 🤞 https://t.co/tZC47am7Um
— Club Bm. Atl. Guardés (@Atlguardes_ofic) January 25, 2021
O Guardés pasou de ter seis partidos programados a xogar un
Desta forma, o apretado calendario que tiñan as xogadoras dirixidas por Prades para este mes de xaneiro mudou moito nas últimas semanas. De ter previstos seis partidos en 21 días, os adiamentos e cancelacións fixeron que os encontros quedasen nun: o de Liga ante o Bera Bera.
Un dos primeiros duelos que se tiveron que cancelar foi a eliminatoria do Last16 da EHF European Cup. O Guardés tiña como rival ao Club Balonmano Elche, pero a imposibilidade de xogar das rivais por ter casos positivos en COVID-19 dentro do club, fixo que as galegas pasasen de fase sen competir. A seguinte cita será contra o HC Galychanka Lviv, a mediados de febreiro.
Na Liga Guerreras Iberdrola, as de Prades viron como o inicio da segunda volta, previsto contra o Lanzarote Puerto del Carmentivo que ser aprazado por un positivo entre as canarias. Así, o reencontro coa competición regular foi na seguinte xornada, cunha derrota contra o Super Amara Bera Bera.
