- A primeira xornada disputarase o fin de semana dell 11 de setembro
- O último encontro será en Tenerife contra a Saúde (28 de maio)
O Atlético Guardés xa coñece a ruta a seguir na Liga Guerreras Iberdrola 2021/22. O vixente subcampión da competición inicia o seu camiño en Valladolid. O Polideportivo Huerta del Rey será o escenario do primeiro choque ligueiro do equipo miñoto e Aula Valladolid, o seu primeiro rival. Un inicio duro, a domicilio e fronte a un equipo que leva anos instalado na zona nobre da táboa. Será o fin de semana do 11 de setembro.
O regreso ao tradicional formato ligueiro de todos contra todos tamén trae de volta o derbi contra ao Conservas Orbe Rubensa Porriño. Un partido moi especial, que a tempada pasada non se puido disputar ao non coincidir ambos os equipos en ningunha das dúas fases. Quizá por iso, o azar quixo que se dispute canto antes. E así será.
O primeiro partido do Guardés na Sangriña será contra o conxunto porriñés, na segunda xornada ligueira, o 18 de setembro. A escuadra de José Ignacio Prades devolverá a visita o 19 de febreiro, na xornada 15.
O cadro miñoto tamén terminará a competición como visitante. Nesta ocasión será en Tenerife, na pista da Balonmano Salud, o 28 de maio. Entre as diferentes lecturas que se poden sacar do calendario, destaca o detalle de que o Guardés se enfrontará de forma consecutiva a dúas potencias da competición: fronte a Bera Bera nas xornadas 9 e 22 e inmediatamente despois contra Rocasa Gran Canaria na 10 e a 23.
Calendario completo do Atlético Guardes na Liga Guerreras 2021-22
- J1 | 11 sep. | Aula (f)
- J2 | 18 sep. | Porriño (c)
- J3 | 25 sep. | Elche (f)
- J4 | 2 oct. | Granollers (c)
- J5 | 16 oct.* | Zuazo (f)
- J6 | 23 oct.* | Morvedre (c)
- J7 | 30 oct. | Gijón (c)
- J8 | 6 nov. | Lanzarote Zonzamas (f)
- J9 | 13 nov. | Bera Bera (c)
- J10 | 20 nov. | Rocasa Gran Canaria (f)
- J11 | 15 ene. | Sant Quirze (c)
- J12 | 22 ene. | Málaga (f)
- J13 | 5 feb. | Salud Tenerife (c)
- J14 | 12 feb. | Aula (c)
- J15 | 19 feb. | Porriño (f)
- J16 | 26 feb. | Elche (c)
- J17 | 12 mar. | Granollers (f)
- J18 | 19 mar. | Zuazo (c)
- J19 | 26 mar. | Morvedre (f)
- J20 | 2 abr. | Gijón (f)
- J21 | 9 abr. | Lanzarote Zonzamas (c)
- J22 | 16 abr. | Bera Bera (f)
- J23 | 7 mayo. | Rocasa Gran Canaria (c)
- J24 | 14 mayo | Sant Quirze (f)
- J25 | 21 mayo | Málaga (c)
- J26 | 28 mayo | Salud Tenerife (f)
*Coincide coa Q2 de la EHF European League.
