Sen ter posibilidade de xogar, o Atlético Guardés pasa de fase na EHF European Cup. As galegas tiñan que enfrontarse no Last16 ao Club Balonmano Elche, pero varios casos positivos de COVID-19 entre as ilicitanas obrigaron a cancelar os partidos.
A fase de dieciseisavos enfrontaba aos dous conxuntos españois, cun partido de ida e outro de volta. O primeiro deles estaba previsto para o pasado domingo, 10 de xaneiro, pero o Elche detectou dous casos positivos no seu plantel.
Entón, a EHF decidiu que a eliminatoria fose a partido único, mantendo a data da volta, en A Guarda, prevista para este domingo ás 19:00 horas. Finalmente, ao confirmar máis contaxios no club verdibranco, o Atlético Guardés será o que pase de fase na competición europea.
Ante esta noticia, o conxunto galego quixo mostrar a súa solidaridade co rival, desexándolles unha pronta recuperación e volta ás pistas.
O Guardés, en pausa
Así, o regreso das galegas á competición europea adíase máis. Xa na rolda anterior, o federación europa de balonmán decretou que as de Padres pasasen de fase. O que houbese sido o seu rival, o suízo LK Zug, non puido participar polas restriccións por mor da COVID-19 establecidas no seu país.
Así mesmo, na Liga Guerreras Iberdrola o seguinte encontro do Guardés está aprazado. O Lanzarote-Puerto del Carmen tamén informou de dous positivos no seu plantel, polo que debido ao illamento ao que se teñen que someter non poderán xogar a oitava xornada.
Desta forma, se todo vai segundo o previsto, o seguinte partido das galegas será o 23 de xaneiro ante o Super Amara Bera Bera en Liga. Catro días despois, o Guardés disputará a ida da segunda fase da Copa da Raíña ante o Zubileta Evolution-BM Zuazo.
#EHFEuropeanCup 🏆 | La EHF notifica que el partido del domingo 17 (19 h, A Sangriña) contra el @cbm_elche está oficialmente cancelado y que ante esta situación nuestro equipo se clasifica directamente para los cuartos de final de la competición. pic.twitter.com/VJupnEWzT4
— Club Bm. Atl. Guardés (@Atlguardes_ofic) January 12, 2021
